ஆறாம் பாவம் என்பது நோய், குணப்படுத்துதல், சேவை, மருத்துவம், எதிரிகள், கடமை ஆகியவற்றை குறிக்கிறது. இந்த பாவம் வலுவாக இருந்தால், மனிதன் நோய்களைப் புரிந்து கொள்ளும்திறன், அதை எதிர்த்துப் போராடும் மனநிலை, சேவை மனப்பான்மை ஆகியவற்றைப் பெறுவான். இதுவே மருத்துவத் துறையின் அடிப்படை. மருத்துவத்துக்கு ஏன் ஆறாம் பாவம் அவசியம்? என்று பார்க்க வேண்டும். மருத்துவர் என்பது நோயை குணப்படுத்துபவர். அதனால்,
*நோய் பற்றிய அறிவு – 6ம் பாவம்.
*நோயாளியை சேவை செய்வது – 6ம் பாவம்.
*தினசரி மருத்துவப் பணி – 6ம் பாவம்.
எனவே, ஆறாம் பாவம் வலுவாக இல்லாமல் மருத்துவத் துறையில் நிலைத்திருப்பது கடினம். இந்த பாவம் நல்ல நிலையில் இருந்தால், ஒருவர் நோய்களை எதிர்த்து குணப்படுத்தும் திறமையான மருத்துவராக உருவாக முடியும்.

ஆறாம் பாவம் மட்டுமின்றி, சில கிரகங்களும் முக்கியம்
*செவ்வாய் (Mars) – அறுவை சிகிச்சை, surgery.
*புதன் (Mercury) – diagnosis, analysis.
*குரு (Jupiter) – மருத்துவ ஞானம், ethics.
*சனி (Saturn) – chronic diseases, patience.
இந்த கிரகங்கள் 6ம் பாவத்துடன் தொடர்பு கொண்டால், மருத்துவதிறன் அதிகரிக்கும். இதை கொஞ்சம் விரிவாக அசல் ஜாதகங்களின் உதவிகொண்டு பார்ப்போம். முதலில் மிதுன லக்கின ஜாதகம். அமெரிக்காவில் மருத்துவராகப் பணிபுரிந்து கொண்டிருக்கிறார். இவர் ஜாதக ஆறாம் பாவ அமைப்பு பார்ப்போம். மிதுன லக்னம். ஆறுக்குரிய செவ்வாய் ஆறில் ஆட்சி. அவர் அமர்ந்த நட்சத்திரம் கேட்டை. கேட்டைக்குரிய புதன் லக்னத்துக்கு ஐந்தாம் இடம். ஆறாம் பாவாதிபதி செவ்வாய் ஆறாம் பாவத்திலேயே ஆட்சி பெற்றிருப்பது மிகவும் சக்திவாய்ந்த அமைப்பு. இது நோய், சிகிச்சை, எதிரிகளை சமாளிக்கும் திறனை அதிகரிக்கிறது. செவ்வாய் இயல்பாகவே அறுவை சிகிச்சை, தைரியம், துல்லியம் ஆகியவற்றைக் குறிக்கிறது. அதனால் இந்த அமைப்பு சிகிச்சைத் துறையில் செயல்முறைத் திறன் அளிக்கும்.
மேலும், செவ்வாய் கேட்டை நட்சத்திரத்தில் இருப்பது, அதன் அதிபதி புதன் என்பதால், புதன் (அறிவு, diagnosis) உடன் இணைப்பு உருவாகிறது. அந்த புதன் லக்னத்துக்கு ஐந்தாம் பாவத்தில் இருப்பது கல்வி, புத்திசாலித்தனம், clinical reasoning ஆகியவற்றை வலுப்படுத்துகிறது.

அடுத்த ஜாதகம் இது
சிம்ம லக்கினம். ஆறுக்குரிய சனி 10. இடம் தந்த சுக்கிரன் 12ல் இருக்கிறார். 12 என்பது மறைபொருளைப் வெளிப்படுத்தும் பாவம். 6:12ம் பாவத்தைப் பார்க்க 12 என்பது ஆஸ்பத்திரியைக் குறிக்கும். 12-ஆம் பாவம் என்பது ஆறாம் பாவத்தைத் தூண்டும். ஆறாம் பாவம் பன்னிரண்டாம் பாவத்தோடு நேர் பார்வையில் தொடர்பு கொள்ளும். ஆறாம் பாவாதிபதி சனி 10ஆம் பாவத்தில் இருப்பது, “நோய் – சேவை” (6ம்) தொழிலாக (10ம்) மாறும் என்பதைக் காட்டுகிறது. இது மருத்துவத் துறையில் பணிபுரிய வைக்கும், முக்கிய சுட்டு. இடம் கொடுத்த சுக்கிரன் 12ஆம் பாவத்தில் இருப்பது மிக முக்கியமானது. 12ஆம் பாவம் மருத்துவமனை, தியாகம், நோயாளி சேவை ஆகியவற்றைக் குறிக்கிறது. 6-12 அச்சு என்பது மருத்துவத் திற்கான முக்கிய அச்சு. 12ம் பாவம் 6ம் பாவத்தின் விளைவுகளை வெளிப்படுத்தும் மேடை.

இனி மூன்றாவது ஜாதகம்
மருத்துவம் முடித்து மேல் படிப்புக்காக முயன்று கொண்டிருக்கிறார். கும்ப லக்னம். ஆறாம் பாவாதி சந்திரன் லக்னத்திலேயே இருக்கிறார். ஆறாம் பாவத்தில் சூரியன், ராகு, புதன் இருக்கிறார்கள். இது மிகவும் வலுவான மருத்துவ இணைவு. குறிப்பாக, நவீன மருத்துவம், ஆராய்ச்சி அல்லது புதிய சிகிச்சை முறைகள் தொடர்பான திறன் அதிகம். ஆறாம் பாவாதிபதி சந்திரன் லக்னத்திலேயே இருப்பது, அந்த நபரின் மனம் முழுவதும் “நோய், சேவை, சிகிச்சை” என்ற எண்ணத்தில் இயங்கும் என்பதைக் காட்டுகிறது. மேலும், 6ஆம் பாவத்தில் சூரியன், ராகு, புதன் இருப்பது மிகவும் சக்திவாய்ந்த கலவை:
*சூரியன் – மருத்துவ அதிகாரம், உயிர் சக்தி.
*புதன் – அறிவு.
*ராகு – நவீன மருத்துவம்.

இனி நான்காவது ஜாதகம்
மருத்துவ உயர் படிப்பு முடித்து விட்டார். சிம்ம லக்கனம். ஆறுக்குரிய சனி எட்டில் வக்ரம். இடம் கொடுத்த குரு ஐந்தாம் இடத்தில் ஆட்சி. பாக்யாதிபதி செவ்வாய் 12-ல் மறைந்து ஆறாம் இடத்தைப் பார்க்கிறார். ஆறாம் பாவாதிபதி சனி 8ஆம் பாவத்தில் வக்ரமாக இருப்பது, “நோய் + மறைபொருள் + ஆராய்ச்சி” ஆகியவற்றை இணைக்கிறது. 8ம் பாவம் அறுவை சிகிச்சை, ரகசியம் அறிந்து சிகிச்சை செய்தல் ஆகியவற்றைக் குறிக்கும். சனி வக்ரம் என்பதால், ஆழமான ஆய்வு இருக்கும். சனிக்கு இடம் கொடுத்த குரு 5ஆம் பாவத்தில் ஆட்சி பெற்றிருப்பது, கல்வி, ஞானம், மருத்துவ தர்மம் (கோட்பாடுகள்) ஆகியவற்றை வலுப்படுத்துகிறது. மேலும், பாக்யாதிபதி செவ்வாய் 12ஆம் பாவத்தில் இருந்து 6ஆம் பாவத்தை பார்க்கிறது. இது “மருத்துவமனை (12) – நோய் (6)” இணைப்பை உருவாக்குகிறது. செவ்வாய் பார்வை இருப்பதால் அறுவை சிகிச்சையில் ஆர்வம் அதிகரிக்கும்.
இது ஆறாம் பாவத்தின் மிக நல்ல விஷயங்கள். இதில் பகை, கடன் விரோதம் இவைகளும் உண்டு என்பதை சொல்லியிருக்கிறோம். அதற்கு உதாரணமாக ஒரு ஜாதகம்.
சிம்ம லக்ன ஜாதகம். லக்னத்துக்கு 6க்குரிய சனி லக்னத்தில் வந்து வக்கிரமாக அமர்ந்தார். அவரோடு ராகு. கடன் என்பது இவருடைய இயல்போடு பிணைந்தது. சிம்ம லக்ன ஜாதகத்தில், 6ஆம் பாவாதிபதி சனி லக்னத்தில் வந்து வக்கிரமாக அமர்ந்து, அதனுடன் ராகு சேர்வது மிகவும் ஆழமான மற்றும் சிக்கலான கர்ம அமைப்பாகும்.
*6ஆம் பாவம் – கடன், சேவை, உழைப்பு.
*சனி  – நீண்டகால சுமை, பொறுப்பு.
*ராகு – அதிகரிப்பு, கட்டுப்பாடற்ற விருப்பம்.
இந்த மூன்றும் சேரும் போது, கடன் என்பது ஒருசில நேரங்களில் தேவைக்காக அல்ல, வாழ்க்கை முறை (lifestyle pattern) ஆக மாறும்.
“எடுத்து – அடைத்து – மீண்டும் எடுத்து” என்ற சுழற்சி ஏற்படும். இந்த அமைப்பு ஒருவரை: எப்போதும் ஒரு “போராட்ட மனநிலை”யில் வைத்திருக்கும் வாழ்க்கையை ஒரு சவாலாக பார்க்க வைக்கும்.
எளிதாக எதுவும் கிடைக்காது, ஆனால் கிடைத்தால் பெரியதாக இருக்கும். ராகு சேர்வதால் சில நேரங்களில் தவறான பணம் சம்பந்தமான முடிவுகளை எடுத்து திண்டாடுவார். இப்போது சற்று பரவாயில்லை என்றாலும், வாழ்வின் பெரும் பகுதி கடனில் போய்விட்டது.
இனி ஆறாம் பாவம் 12 பாவங்களோடு தொடர்பு கொள்ள என்ன விளைவுகள் ஏற்படும்? என்பதனை அடுத்த இதழில் பார்க்கலாம்.