சென்னை: 2,000 ஆண்டுகளுக்கும் மேலாக, திருக்குறள் தலைமுறைகளைத் தாண்டி மனித வாழ்க்கை, நற்பண்புகள் மற்றும் உறவுகளைப் பற்றிய காலத்தால் அழியாத ஞானத்தைப் பகிர்ந்து வருகிறது. அந்தப் பாரம்பரியத்தை உயிர்ப்புடன் தொடரச் செய்வது என்பது அதை இன்றைய தலைமுறைக்கு பொருத்தமான, புதிய வழிகளில் அறிமுகப்படுத்துவதாகும். பல தசாப்தங்களாக, மில்க் பிக்கிஸ் தமிழ்நாட்டின் குழந்தைப் பருவ நினைவுகளின் ஒரு அங்கமாக இருந்து, தமிழ்மொழி, மரபுகள் மற்றும் பண்பாட்டு பெருமையை அர்த்தமுள்ள வகையில் கொண்டாடி வருகிறது. அந்தப் பயணத்தின் தொடர்ச்சியாகவே மில்க் பிக்கிஸ் திருக்குறள் சவால் உருவானது.
அன்றாடம் அனைவரும் ரசிக்கும் ஒரு பிஸ்கட்டை, திருக்குறளை அறிமுகப்படுத்தும் ஒரு சுவாரஸ்யமான வாயிலாக மாற்றிய இந்த முயற்சி, இணைய உலகில் வாழும் இன்றைய தலைமுறையினருக்கு தமிழர் பண்பாட்டின் மிகப் பெரிய பொக்கிஷங்களில் ஒன்றான திருக்குறளை எளிமையாகவும், நெருக்கமாகவும், மகிழ்ச்சியுடனும் அணுகும் வாய்ப்பை வழங்குகிறது. எளிமையாகத் தோன்றிய இந்த யோசனையின் பின்னால், பண்பாட்டை முன்னிலைப்படுத்த வேண்டும் என்ற ஒரே நோக்குடன் செயல்பட்ட ஒரு குழுவின் அர்ப்பணிப்பு இருந்தது. பிஸ்கட்டில் பொறிக்கப்பட்ட சில வார்த்தைகளாகத் தோன்றிய இந்த முயற்சி, உண்மையில் இரண்டு மாதங்கள் நீண்ட துல்லியமான வடிவமைப்பு, கடின உழைப்பு மற்றும் தொடர்ச்சியான முயற்சிகளின் பலனாகும்.
ஒவ்வொரு தமிழ் எழுத்தும் மிகுந்த கவனத்துடன் மீண்டும் வடிவமைக்கப்பட்டது. ஏனெனில் ஒரு சிறிய புள்ளி கூட தவறினால், ஒரு சொல்லின் பொருளே மாறிவிடும். வடிவமைப்பாளர்கள், பொறியாளர்கள் மற்றும் உற்பத்திக் குழுவினர் இணைந்து பல கட்ட சோதனைகள் மூலம், தமிழ் எழுத்துக்களின் நுணுக்கங்களைத் துல்லியமாகப் பதிக்கும் அச்சுகளை உருவாக்கினர். மேலும், பிஸ்கட் சுடப்பட்ட பிறகும் ஒவ்வொரு எழுத்தும் தெளிவாகவும் வாசிக்கக்கூடியதாகவும் இருப்பதை உறுதி செய்தனர்.
இதன் விளைவு ஒரு புதிய தயாரிப்பைத் தாண்டிய ஒன்று. தமிழ் இலக்கியத்தின் மரபை மதிப்பதும், தமிழ்மொழியின் அழகைக் கொண்டாடுவதும், பண்பாட்டை படைப்பாற்றலின் மையமாக வைத்தால் ஒரு சாதாரண பிஸ்கட்டுக்குக் கூட பாரம்பரியத்தை அடுத்த தலைமுறைக்கு எடுத்துச் செல்லும் ஊடகமாக மாற முடியும் என்பதையும் இந்த முயற்சி நிரூபிக்கிறது.
