வேதாரண்யத்தில் அதிமுக பிரமுகர் இல்ல திருமண விழா அமைச்சர் ஓ.எஸ்.மணியன் பங்கேற்பு

வேதாரண்யம், டிச.16:  வேதாரண்யத்தில் அதிமுக பிரமுகர் இல்ல திருமண விழாவில் அமைச்சர் ஓ.எஸ்.மணியன் பங்கேற்று மணமக்களை வாழ்த்தினார்.வேதாரண்யம் அடுத்த அகஸ்தியன்பள்ளியை சேர்ந்த தேவர் பேரவை மாவட்டத் தலைவர் நாகராஜ் தேவர் - கற்பகம் தம்பதி மகள் தேவசேனாவிற்கும், புஷ்கரணி ராவுத்தசாமி-பார்வதி தம்பதி மகன் பிரபாகரனுக்கும் கடந்த புதன்கிழமை (12ம் தேதி) தோப்புத்துறை அம்மன் மண்டபத்தில் திருமணம் நடைபெற்றது.விழாவில் தமிழக கைத்தறி மற்றும் துணிநூல் துறை அமைச்சரும் மாவட்ட அதிமுக செயலாளருமான ஓ.எஸ்.மணியன், ஒன்றிய செயலாளர் கிரிதரன், நகர செயலாளர் எழிலரசு, முன்னாள் தொகுதி செயலாளர் சண்முகராசு, முன்னாள் தொகுதி இணைச் செயலாளர் ராதாகிருஷ்ணன், முன்னாள் எம்.பி ராஜேந்திரன், மாவட்ட காங்கிரஸ் கட்சித் தலைவர் கனகராஜ், கராத்தே மாஸ்டர் வாசுதேவன், முன்னாள் எம்எல்ஏக்கள் வேதரெத்தினம், காமராஜ், தமிழ்நாடு வணிகர் சங்கங்களின் பேரமைப்பு மாநில துணைத் தலைவர் தென்னரசு, மாவட்ட தலைவர் குணசேகரன், தொழிலதிபர்கள் பிரபு, முகமதுஅலி, மாரியப்பன், கருணாநிதி, திமுக நகர செயலாளர் புகழேந்தி, வழக்கறிஞர் அன்பரசு, நமச்சிவாயம் மற்றும் அனைத்து கட்சி பிரமுகர்கள் கலந்து கொண்டு மணமக்களை வாழ்த்தினர். ஏற்பாடுகளை மணிகண்ட காவியன் மற்றும் குடும்பத்தினர் செய்திருந்தனர்.