அப்துல்கலாம் பிறந்த நாளையொட்டி மாணவர்களுக்கு மரக்கன்று

சேந்தமங்கலம், அக்.17: சேந்தமங்கலத்தில், அப்துல்கலாம் நண்பர்கள் குழு சார்பில், முன்னாள் ஜனாதிபதி அப்துல்கலாமின் பிறந்த நாள் விழா உருது தொடக்கப்பள்ளியில் நடைபெற்றது. நண்பர்கள் குழு ஒருங்கிணைப்பாளர் ராஜா தலைமை தாங்கினார். கால்நடை மருத்துவ பட்டதாரி கூட்டமைப்பு ஒருங்கிணைப்பாளர் டாக்டர் பாலாஜி முன்னிலை வகித்தார். தலைமையாசிரியர் ரத்தினம் சேந்தமங்கலம் எஸ்ஐ அண்ணாதுரை ஆகியோர் கலந்து கொண்டு மாணவ, மாணவிகளுக்கு மரக்கன்றுகளை வழங்கி பேசினர். நிகழ்ச்சியில் குழு உறுப்பினர்கள் சரவணன், பெரியசாமி, சிவக்குமார், பாஸ்கர் உட்பட பலர் கலந்து கொண்டனர்.