×

பிபா யு-17 மகளிர் உலக கோப்பை கால்பந்து: ஸ்பெயின் அணி சாம்பியன்

நவி மும்பை: இந்தியாவில் முதன்முறையாக 17 வயதுக்கு உட்பட்டோருக்கான பிபா மகளிர் உலக கோப்பை கால்பந்து போட்டி கடந்த 11ம் தேதி தொடங்கி நடைபெற்று வந்தது. 16 அணிகள் பங்கேற்ற இந்த தொடரின் இறுதி போட்டிக்கு ஸ்பெயின்- கொலம்பியா மகளிர் அணிகள் தகுதி பெற்றன. மகாராஷ்டிரா மாநிலம் நவி மும்பையில் உள்ள பாட்டில் மைதானத்தில் நேற்று இந்த இரு அணிகளுக்கு இடையே இறுதி போட்டி நடந்தது. இதில் முதல் பாதியில் இரு அணிகளும் கோல் அடிக்கவில்லை.

2-வது பாதியில் கொலம்பியா அணி வீராங்கனை அனாமரியா குஸ்மான் ஆட்டத்தின் 82-வது நிமிடத்தில் தவறுதலாக ஸ்பெயின் அணிக்காக ஒரு கோல் (ஷேம்சைடு கோல்) அடித்தார். இதையடுத்து அதை சரி செய்ய கொலம்பியாவின் முயற்சிக்கு பலன் கிடைக்கவில்லை. இறுதியில் 1-0 என்ற கணக்கில் ஸ்பெயின் மகளிர் அணி வெற்றி பெற்றதுடன் இரண்டாவது முறையாக சாம்பியன் பட்டம் வென்றது.

Tags : FIFA ,U-17 ,Spain , FIFA U-17 Women's World Cup Soccer: Spain team champions
× RELATED சில்லி பாய்ன்ட்…