காங்கயம்: காங்கயம் அருகே லாரிகள் மோதி தீ பிடித்து எரிந்ததில் 2 டிரைவர்கள் உடல் கருகி பலியாகினர். கர்நாடக மாநிலம், மைசூரில் இருந்து 20க்கும் மேற்பட்ட இரு சக்கர வாகனங்களுடன் கன்டெய்னர் லாரி ஒன்று தூத்துக்குடி செல்ல காங்கயம் வழியாக தாராபுரம் நோக்கி சென்று கொண்டிருந்தது. குண்டடம் பிரிவு அருகே நேற்று மாலை 3 மணி அளவில் வந்தபோது, தாராபுரத்தில் இருந்து காங்கயம் வந்த லாரியுடன் நேருக்கு நேர் மோதியது. இதில், 2 லாரிகளும் தீப்பிடித்து, எரிந்தது. அப்போது தீயில் கருகி கன்டெய்னர் லாரி டிரைவர் மைசூர் மாவட்டம், ஹேப்பால் லோகநாயக நகரைச் சேர்ந்த பிரபாகரன் (40) பலியானார். தகவல் அறிந்து வந்த காங்கயம் தீயணைப்புத் துறையினர் சுமார் 1 மணி நேரம் போராடி தீயை அணைத்தனர். மற்றொரு லாரி டிரைவர் கர்நாடக மாநிலம், சாம்ராஜ் நகரைச் சேர்ந்த கார்த்தி (40), மேற்குவங்கத்தைச் சேர்ந்த கிளீனர் ரூபிலால்(22) மருத்துவமனையில் சேர்க்கப்பட்டனர். அங்கு கார்த்தி உயிரிழந்தார்.
காங்கயம் அருகே பயங்கரம் லாரிகள் மோதி தீப்பற்றி எரிந்தது 2 டிரைவர்கள் உடல் கருகி பலி
01:16 am May 09, 2022 |
