சென்னை: ராயபுரம் கிழக்கு பகுதி 51வது வட்டத்தை சேர்ந்த திமுக நிர்வாகியை, திமுக பொதுச் செயலாளர் துரைமுருகன் தற்காலிகமாக நீக்கம் செய்து உத்தரவிட்டுள்ளார். திமுக பொதுச் செயலாளர் துரைமுருகன் இன்று வெளியிட்டுள்ள அறிக்கையில் கூறியிருப்பதாவது: சென்னை வடக்கு மாவட்டம், ராயபுரம் கிழக்கு பகுதி 51வது வட்டத்தை சேர்ந்த ஜி.ஜெகதீசன் கழகக் கட்டுப்பாட்டை மீறியும், கட்சிக்கு அவப்பெயர் ஏற்படும் வகையில் செயல்பட்டதால் அடிப்படை உறுப்பினர் உள்ளிட்ட அனைத்து பொறுப்பிலிருந்து அவர் தற்காலிகமாக நீக்கி வைக்கப்படுகிறார். இவ்வாறு அவர் கூறியுள்ளார்.