×

மேற்குத் தொடர்ச்சி மலையில் தொடர் மழையால் காமராஜர் நீர்த்தேக்கத்திற்கு நீர்வரத்து அதிகரிப்பு: நேற்று ஒரே நாளில் 1 அடி உயர்வு

சின்னாளபட்டி: மேற்குத் தொடர்ச்சி மலையில் தொடர் மழையால், திண்டுக்கல்லின் குடிநீர் ஆதாரமாக விளங்கும் காமராஜர் நீர்த்தேக்கத்திற்கு  நீர்வரத்து அதிகரித்துள்ளது. நேற்று ஒரே நாளில் நீர்மட்டம் ஓர் அடி உயர்ந்தது.திண்டுக்கல் மாநகரின் முக்கிய குடிநீர் ஆதாரமாக ஆத்தூர் காமராஜர் நீர்த்தேக்கம் திகழ்கிறது. மேற்குத் தொடர்ச்சி மலையில் உள்ள ஆடலூர்,  பன்றிமலை, பண்ணைக்காடு, புல்லாவெளி, தடியன்குடிசை, மங்களம்கொம்பு, சோலைக்காடு பகுதியில் மழை பெய்தால் காமராஜர் நீர்த்தேக்கத்திற்கு  நீர்வரத்து இருக்கும். இதன் மொத்த உயரம் 23.5 அடி. திண்டுக்கல் மாநகரம் மட்டுமல்லாமல் சின்னாளப்பட்டி, சித்தையன்கோட்டை பேரூராட்சிகள்  உள்பட 20க்கும் மேற்பட்ட கிராம ஊராட்சிகளின் முக்கிய குடிநீர் ஆதாரமாக விளங்குகிறது.

தற்போது மேற்குத்தொடர்ச்சி மலைப்பகுதியில் தொடர் மழை பெய்து வருவதால், காமராஜர் நீர்த்தேக்கத்திற்கு நீர்வரத்து அதிகரித்துள்ளது. நேற்றைய  நிலவரப்படி அணையின் நீர்மட்டம் ஒரு அடி உயர்ந்து 8 அடியாக உள்ளது. தற்போது போல் நீர்ப்பிடிப்பு பகுதிகளில் மழை பெய்தால், நான்கு நாட்களில்  அணை நிரம்பும் என அதிகாரிகள் தெரிவித்துள்ளனர்.



Tags : Kamaraj Reservoir ,Western Ghats ,Water level rise , Water , Kamaraj ,Reservoir , continuous, rains ,yesterday
× RELATED மீண்டும் 100 அடியை நெருங்கியது மேட்டூர் நீர்மட்டம்