தமன்னாவின் தோழியான மற்றொரு நடிகை

நடிகை தமன்னாவுக்கும், ஸ்ருதி ஹாசனுக்கும் மோதல் என்று கிசுகிசு பரவிய நிலையில் இருவரும் அதை மறுக்கும் வகையில் அடிக்கடி சந்தித்துக் கொண்டதுடன் ஜோடியாக சேர்ந்து செல்பி புகைப்படங்கள் வெளியிட்டனர். இதையடுத்து அந்த கிசுகிசு முடிவுக்கு வந்தது. பாகுபலி படத்துக்கு பிறகு அனுஷ்கா வுடன் நட்பு பாராட்டி வருகிறார் தமன்னா. இந்நிலையில் நெஞ்சில் துணிவிருந்தால், நோட்டா படங்களில் நடித்துள்ள மெஹரீன் கவுர் மெர்சிடாவும் தமன்னாவின் நெருங்கிய தோழியாகி இருக்கிறார்.

‘எஃப் 2 பஃன் அண்ட் ப்ரஸ்ட்ரேஷன்’ தெலுங்கு படத்தில் தமன்னாவுடன் இணைந்து நடித்து வருகிறார் மெஹரீன். இப்படம் மூலம் தனக்கு தமன்னாவுடன் ஏற்பட்டுள்ள நட்பு பற்றி அவர் கூறியதாவது: இப்படத்தில் எனது அக்காவாக தமன்னா நடிக்கிறார். அவருடன் இணைந்து பல காட்சிகளில் நான் நடித்தேன். அப்போது அவரிடமிருந்து நடிப்பில் நிறைய விஷயங்களை கற்றுக்கொண்டேன்.

நடனம் ஆடும்போது எந்தவிதமான பாவனைகள் வெளிப்படுத்த வேண்டும் என்பதையும் கற்றேன். நாங்கள் இருவரும் அமர்ந்து பேசத் தொடங்கினால் நேரம் போவதே தெரியாமல் பேசுவோம். குறிப்பாக உணவு மற்றும் வெவ்வேறு ஊர்களுக்கு சென்று வரும் பயணம் குறித்த அனுபவத்தையே பேசிக்கொண்டிருப் போம். சினிமாவை பொறுத்தவரை எனது பயணம் இதுவரை நன்றாகவே அமைந்திருக்கிறது.

ஆனால் இன்னும் நிறைய சாதிக்க வேண்டி உள்ளது. வெற்றியும் தோல்வியும் வாழ்வின் அங்கமாகவே இருக்கிறது. வெற்றியை விட தோல்வி மூலம் அதிகமான படிப்பினையை கற்க முடிகிறது. இதில் முக்கிய விஷயம் என்னவென்றால் கற்றுக்கொண்டிருக்கும் அதேவேலையில் பணியை அடுத்தடுத்து செய்துகொண்டே சொல்ல வேண்டும். இவ்வாறு மெஹரீன் கவுர் கூறினார்.

Tags : actress ,Tamanna ,
× RELATED விளையாட்டில் முதலீடு செய்யும் நடிகை