ஜூனியர் என்டிஆர்-பிரசாந்த் நீல் இணையும் படம்: அறிவிப்பு வெளியானது

ஐதராபாத்: ‘ஆர்ஆர்ஆர்’ படத்துக்கு பிறகு ஜூனியர் என்டிஆர், ‘ஆச்சார்யா’ படத்தை இயக்கிய கொரட்டலா சிவா இயக்கத்தில் நடித்து வருகிறார். ‘தேவரா’ என்ற இப்படத்தில் பாலிவுட் நடிகை ஜான்வி கபூர் ஹீரோயினாக நடிக்கிறார். இப்படத்தின் மூலம் அவர் தென்னிந்திய சினிமாவில் அறிமுகமாகிறார்.

பாலிவுட் நடிகர் சைப் அலிகான், பிரகாஷ்ராஜ் உள்பட பலர் நடிக்கின்றனர். படத்துக்கு அனிருத் இசையமைக்கிறார். ஜூனியர் என்டிஆரின் பிறந்த நாளை முன்னிட்டு படத்தின் முதல் சிங்கிளான ‘Fear Song’ வெளியிடப்பட்டது. படம் வரும் அக்டோபர் 10ம் தேதி படம் திரைக்கு வருகிறது.

இந்நிலையில், அடுத்து உருவாகும் ஜூனியர் என்டிஆரின் 31வது படத்தை கேஜிஎப் படங்களின் இயக்குனர் பிரசாந்த் நீல் இயக்க இருக்கிறார். இப்படத்தை மைத்ரி மூவி மேக்கர்ஸ் தயாரிக்கிறது. இதன் அறிவிப்பு தற்போது வெளியிடப்பட்டுள்ளது. இதன் படப்பிடிப்பு ஆகஸ்ட் மாதம் தொடங்க உள்ளதாகவும் தெரிவிக்கப்பட்டுள்ளது.

The post ஜூனியர் என்டிஆர்-பிரசாந்த் நீல் இணையும் படம்: அறிவிப்பு வெளியானது appeared first on Kollywood News | Kollywood Images - Cinema.dinakaran.com.