கடந்த 2016ம் ஆண்டில் ராம்பாலா இயக்கத்தில் நடிகர் சந்தானம் நடித்து வெளிவந்த திரைப்படம் தில்லுக்கு துட்டு, ஹாரர் கலந்த காமெடி படமாக வெளிவந்த இப்படத்தின் வெற்றியை தொடர்ந்து மீண்டும் ராம்பாலா இயக்கத்தில் சந்தானம் நடித்து கடந்த 2019ம் ஆண்டில் தில்லுக்கு துட்டு 2ம் பாகம் வெளியாகி வரவேற்பைப் பெற்றது. இந்த படத்தின் மூன்றாம் பாகத்தை சில மாதங்களுக்கு முன்பு அறிவித்தனர். இதற்கு டிடி ரிட்டர்ன்ஸ் என தலைப்பு வைத்துள்ளனர்.
இந்த படத்தை ராம்பாலாவின் உதவி இயக்குனர் பிரேம் ஆனந்த் இயக்குகிறார். இதில் சந்தானம், சுரபி ஆகியோர் முதன்மை கதாபாத்திரத்தில் நடிக்கின்றனர். இந்த நிலையில் இந்த படத்தின் ரிலீஸ் தேதி குறித்து அறிவிப்பு இன்று வெளியாகும் என நேற்றே தெரிவித்தனர். அதன்படி, இந்த படத்தை வருகின்ற ஜூலை 28ம் தேதி உலகமெங்கும் வெளியாகும் என அறிவித்துள்ளனர். கூடுதலாக, இந்த படத்தின் டிரைவர் நாளை வெளியாகும் என்றும் தெரிவித்துள்ளனர்.
The post சந்தானம் நடிக்கும் ‘டிடி ரிட்டர்ன்ஸ்’ ஜூலை 28ம் தேதி ரிலீஸ் appeared first on Kollywood News | Kollywood Images - Cinema.dinakaran.com.
