கட்சி வளரவில்லை… சொத்துகள் மட்டுமே வளர்ந்தன… அண்ணாமலை மிகப்பெரிய ஊழல்வாதி: ஆதாரங்களுடன் திருச்சி சூர்யா எக்ஸ் தளத்தில் பகீர் தகவல்

திருச்சி: அண்ணாமலை மிகப்பெரிய ஒரு ஊழல்வாதி. அவர், தனது தலைமையில் தான் கட்சி வளர்ந்ததாக கூறுகிறார். உண்மையில் அவரது சொத்துகள் மட்டுமே வளர்ந்தன என ஆதாரங்களுடன் திருச்சி சூர்யா தனது எக்ஸ் தளத்தில் பகீர் தகவலை பதிவிட்டுள்ளார். பாஜவின் முன்னாள் மாநில நிர்வாகி திருச்சி சூர்யா, தனது எக்ஸ் தள பதிவில் கூறியிருப்பதாவது: தமிழக மக்களை மட்டுமின்றி, தனது அரசியல் கட்சியின் உயர் அதிகாரிகளையும் ஏமாற்றிய குற்றச்சாட்டின் பேரில் அண்ணாமலையின் பங்கு, ஒன்றிய அரசின் வருமான வரித்துறையின் விசாரணைக்கு உட்பட்டது. சென்னை விமான நிலையத்தில் இருந்து ரூ.167 கோடி தங்கம் கடத்தல், ரூ.800 கோடி வெளிவராத சொத்துகள், திண்டுக்கல் சத்திரப்பட்டி செந்தில்குமாருக்கு ரூ.240 கோடி வரி ஏய்ப்பு என டெல்லியில் சமீபத்தில் நடந்த விசாரணையில் தெரியவந்துள்ளது. வரும் நாட்களில் மேலும் பல கண்டுபிடிப்புகள் வெளிவரும் என்று எதிர்பார்க்கப்படுகிறது.

விவசாய பின்னணியில் இருந்து வந்த ஒரு எளிய மனிதராக அவர், சித்தரிக்கப்படுவதற்கு மாறாக, அண்ணாமலையின் தேர்தல் அறிவிப்பு வித்தியாசமான பரிமாணத்தை காட்டுகிறது. 60 ஏக்கருக்கும் அதிகமான விவசாய நிலத்தின் உரிமையை காட்டுகிறது. கரூரில் ஒரு முக்கிய நிதியாளரான அவரது தந்தை, கணிசமான கடன்களை வழங்குகிறார். கடன் சுறாக்கள், ரூ.40 கோடிக்கு மேல் ரொக்க இருப்பு இருப்பதாக மதிப்பிடப்பட்டுள்ளது. அண்ணாமலையின் சகோதரி, ஒரு பணக்கார குடும்பத்தில் திருமணம் செய்து கொண்டார். கடந்த மூன்று ஆண்டுகளில் அவர்கள், ஸ்ரீசரவணா சாலிட் செங்கல், ஸ்ரீசரவணா ரெடிமிக்ஸ் கான்கிரீட், அண்ணாமலையார் சேம்பர் செங்கல் போன்ற பெரிய அளவில் தங்கள் தொழிலை விரிவுபடுத்தியுள்ளனர்.

அண்ணாமலைக்கு, நிதி பிரச்னைகள் இருந்த போதிலும் அவரது வீட்டு வாடகை அவரது நண்பர்களால் செலுத்தப்படுகிறது. ஆனால் மனைவி அகிலாவின் வங்கி இருப்பு கணிசமாக உயர்ந்துள்ளது. கடந்த 2021ல் ரூ.13 லட்சத்திலிருந்து 2024ல் ரூ.98 லட்சமாக உயர்ந்துள்ளது. அவரது வணிக கூட்டாளிகளான மது தாமோதரன், ஆதித்யா முத்துசாமி ஆகியோருடன் சேர்ந்து ரியல் எஸ்டேட்டில் இறங்கியுள்ளார். அவர்களின் ரியல் எஸ்டேட் ‘பர்ரோப்ராபர்டீஸ்’ மற்றும் லாண்ட்ஸ்-லேண்ட்ஸ் வென்ச்சர்ஸ் மூலம் நிர்வகிக்கப்படுகின்றன.

மாநில தலைவராக பொறுப்பேற்ற பிறகு, அண்ணாமலையின் முதல் வேலை ‘சுரானா குழுவிடம் பணம், இடம் மற்றும் வசதிகளை பறிப்பதாகும். அவர், தனது போர் அறையை முதலில் சுரானா கட்டிடத்தில் நிறுவி, பின்னர் அடையாறுக்கு மாற்றினார். ரூ.9,593 கோடி வங்கி கடன் மோசடிக்காக சுரானாவை அமலாக்கத்துறையிடமிருந்து அண்ணாமலையால் காப்பாற்ற முடியவில்லை என்பது குறிப்பிடத்தக்கது. அண்ணாமலையும், அவரது வசூல் முகவர் அமர்பிரசாத் ரெட்டியும், ஆருத்ரா தங்கத்திடம் இருந்து பணத்தை பெற்று, அவர்களை கைது செய்யாமல் பாதுகாப்பதாக உறுதியளித்தனர்.

ஆனால் துரதிர்ஷ்டவசமாக அவர்களின் (CEO) இன்டர்போலால் கைது செய்யப்பட்டு தற்போது துபாய் சிறையில் உள்ளார். அவரது தனிப்பட்ட செயலாளரான சி.ஆர்.சிவக்குமார், கோயம்புத்தூரில் உள்ள ரியல் எஸ்டேட் தரகர்களில் ஒருவரானவர். இவர் இதற்கு முன்பு கோவையில் ‘ராகிண்டோ சிட்டிக்காக’ பெரிய அளவில் நில பேரங்கள் செய்து, 2024 தேர்தலுக்கு பிறகு, கோவையில் உள்ள நவஇந்தியா பகுதியை பெரிய ஷாப்பிங்கிற்கு மேம்படுத்த ரூ.1000 கோடிக்கு ஒப்பந்தம் செய்துள்ளார்.

அண்ணாமலை மிகப்பெரிய ஒரு ஊழல்வாதி. அவர், தனது தலைமையில் தான் கட்சி வளர்ந்ததாக கூறுகிறார். உண்மையில் அவரது சொத்துகள் மட்டுமே வளர்ந்தன. 2026ல் ஒரு எம்.எல்.ஏவை கூட வெற்றிபெற செய்ய வாக்கு சதவீத அதிகரிப்பு என்று கூறப்படும் அனைத்தும் உதவப்போவதில்லை. 2026 சட்டமன்ற தேர்தலுக்கு முன், புதிய மாநில தலைவரை நியமிக்க மேலிடம் முடிவு செய்துள்ளது. முக்கியமாக, தமிழக பாஜ மாநில தலைவராக அண்ணாமலையின் நாட்கள் எண்ணப்படுகின்றன. இவ்வாறு பதிவில் குறிப்பிட்டுள்ளார்.

The post கட்சி வளரவில்லை… சொத்துகள் மட்டுமே வளர்ந்தன… அண்ணாமலை மிகப்பெரிய ஊழல்வாதி: ஆதாரங்களுடன் திருச்சி சூர்யா எக்ஸ் தளத்தில் பகீர் தகவல் appeared first on Dinakaran.