புழல்: சோழவரம் அருகே கட்டிட பணி முடித்துவிட்டு இரவு தூங்கியபோது, வடமாநில தொழிலாளர்களின் செல்போன்களை கொள்ளையடித்து சென்ற மர்ம நபர்களை போலீசார் தேடி வருகின்றனர். சோழவரம் அடுத்து பூதூர், கோபாலபுரம் பகுதியில் 3 அடுக்குமாடி கொண்ட கட்டிடம் கட்டப்பட்டு வருகிறது. இங்கு, வடமாநிலத்தை சேர்ந்த சிவராஜ், பரத்வாஜி, ஹேமந்த் உள்ளிட்ட பலர் தங்கியிருந்து வேலை செய்து வருகின்றனர். இவர்கள், வழக்கம்போல் பணி முடிந்து நேற்று முன்தினம் இரவு தூங்கிக்கொண்டிருந்தனர்.
அப்போது, கட்டிடத்திற்குள் புகுந்த மர்ம நபர்கள் சிவராஜ், பரத்வாஜி, ஹேமந்த் ஆகியோரின் செல்போன்களை திருடிச்சென்றுள்ளனர். இதை பார்த்து அதிர்ச்சியடைந்த அவர்கள், இதுகுறித்து கட்டிட பணி இன்ஜினியரான சோழவரம் அடுத்த அருமந்தை கூட்டுச்சாலையை சேர்ந்த தாமோதரன் (43) என்பவரிடம் தெரிவித்துள்ளனர். இதுகுறித்து, அவர் காவல் கட்டுப்பாட்டறைக்கு புகார் கொடுத்தார். வழக்குப்பதிவு செய்த சோழவரம் போலீசார், சம்பவ இடத்தில் பொருத்தப்பட்டிருந்த சிசிடிவி கேமரா பதிவுகளை ஆய்வு செய்து, கட்டிட பணியாளர்களின் செல்போன்களை திருடிச்சென்ற மர்ம நபர்களை தேடி வருகின்றனர்.
The post கட்டிட பணி முடிந்து இரவு தூங்கிய வடமாநில தொழிலாளர்களின் செல்போன்கள் கொள்ளை appeared first on Dinakaran.
