ஐயப்பனுக்கு திருவிளக்கு பூஜை

உத்திரமேரூர்: உத்திரமேரூர் பாலசுப்பரமணியர் கோயிலில் தர்ம சாஸ்தா ஆலயத்தில் ஐயப்பனுக்கு பாலாபிஷேகம் நடைபெற்றது. இதனைத்தொடர்ந்து, ஐயப்பன் சிறப்பு அலங்காரத்துடன் பக்தர்களுக்கு காட்சியளித்தார். பின்னர், இரட்டைதாளீஸ்வரர் ஆலயத்தில், வாத்தியங்கள் முழங்க பக்தி பாடல்கள் பாடியபடி திருவிளக்கு பூஜை சிறப்பாக நடந்தது. இதனைத்தொடர்ந்து, ஸ்ரீ ஐயப்பனுக்கு சிறப்பு பூஜைகள் நடைப்பெற்றன. விழாவிற்கான ஏற்பாடுகளை ஸ்ரீ ஐயப்பா சேவா சங்க நிர்வாகிகள் சிறப்பாக செய்திருந்தனர். விழாவில் ஏராளமான பக்தர்கள் கலந்துகொண்டு சுவாமி தரிசனம் செய்தனர்.

The post ஐயப்பனுக்கு திருவிளக்கு பூஜை appeared first on Dinakaran.