ஆவடி: ஆவடியை அடுத்த திருமுல்லைவாயில் பகுதியைச் சேர்ந்தவர் விஜயலட்சுமி (63), கணவன் இறந்த நிலையில் மகனுடன் வசித்து வந்தார். கணவனை இழந்த விரக்தியில் மன அழுத்தத்தில் இருந்த விஜயலட்சுமி பலமுறை தற்கொலைக்கு முயன்றார். கடந்த 2021ம் ஆண்டு தன்னைத்தானே கத்தியால் உடலில் பல இடங்களில் கத்தியால் கிழித்துக் கொண்டார். இதில் அவர் ராஜிவ்காந்தி அரசு மருத்துவமனையில் சிகிச்சை பெற்று வீடு திரும்பினார். இந்த நிலையில் நேற்று முன்தினம் வீட்டில் மகன் இல்லாதபோது தனக்குத்தானே கத்தியால் கழுத்தை அறுத்துக்கொண்டு ரத்த வெள்ளத்தில் விஜயலட்சுமி பரிதாபமாக உயிரிழந்தார். நீண்ட நேரம் கழித்து அவரது மகன் வந்தபோது தாய் தற்கொலை செய்துகொண்டதைக் கண்டு அதிர்ச்சி அடைந்தார். திருமுல்லைவாயில் போலீசார் சம்பவ இடத்திற்கு வந்து சடலத்தை பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்து விசாரணை நடத்தி வருகின்றனர்.
The post கழுத்தை அறுத்து மூதாட்டி தற்கொலை appeared first on Dinakaran.
