மண்டபம்: ராமநாதபுரம் மாவட்டம், மண்டபம் கடலோரப் பகுதியில் இருந்து 300க்கும் மேற்பட்ட விசைப்படகுகளில் நேற்று முன்தினம் மீனவர்கள் கடலுக்கு சென்றனர். இரவு வழக்கம் போல் இந்திய கடல் பகுதியில் மீன் பிடித்துக் கொண்டிருந்தனர். அப்போது ரோந்து வந்த இலங்கை கடற்படையினர், மண்டபம் பகுதியை சேர்ந்த கார்த்திக்ராஜ், தங்கச்சிமடம் சஹாயா ஆண்ட்ரோஸ் ஆகியோரின் விசைப்படகுகளை சுற்றிவளைத்து, படகுகளில் இருந்த உச்சிப்புளி பகுதியை சேர்ந்த பத்ரப்பன் (55), கண்ணன் (52), முத்துராஜ் (55), காளி (50), தங்கச்சிமடம், உச்சிப்புளி பகுதிகளை சேர்ந்த யாசின் (46), சேசு, ராமகிருஷ்ணன், வேலு ஆகிய 8 மீனவர்களை கைது செய்தனர்.
இவர்கள் அனைவரையும் காங்கேசன்துறை கடற்படை முகாமுக்கு அழைத்துச் சென்று விசாரணை நடத்தி யாழ்ப்பாணம் ஊர்காவல்படைத்துறை நீதிமன்றத்தில் ஆஜர்படுத்தினர். 8 பேரை டிச.20 வரை நீதிமன்ற காவலில் வைக்க நீதிமன்றம் உத்தரவிட்டது. இதையடுத்து அவர்கள் சிறையில் அடைக்கப்பட்டனர்.
The post மண்டபம் மீனவர்கள் 8 பேர் கைது appeared first on Dinakaran.
