பரமக்குடி, நவ.21: பரமக்குடி அருகே அரசு பேருந்தும், காரும் நேருக்கு நேர் மோதியதில் ஒருவர் பலியானார். பரமக்குடி அருகே சத்திரக்குடி கீழக்கோட்டை பகுதியில் நேற்று காலை மதுரையில் இருந்து ராமநாதபுரத்திற்கு பயணிகளை ஏற்றிக்கொண்டு அரசு பேருந்து வந்துள்ளது. அப்போது ராமநாதபுரத்தில் இருந்து மதுரையை நோக்கி வந்த காரும் அரசு பேருந்தும் நேருக்கு நேர் மோதியது. இதில் அரசு பேருந்து சாலை ஓரத்தில் கவிழ்ந்தது. காரில் வந்த பரமக்குடி எமனேஸ்வரத்தைச் சேர்ந்த முகமது இப்ராகிம்(46) சம்பவ இடத்திலேயே உயிரிழந்தார். 10 பேர் காயம் அடைந்தனர். இதுகுறித்து சத்திரக்குடி போலீசார் வழக்குப்பதிவு செய்து விசாரணை நடத்தி வருகின்றனர்.
The post பஸ்-கார் மோதலில் ஒருவர் பலி appeared first on Dinakaran.
