திருவையாறு அருகே அரசு பள்ளியில் குழந்தைகள் தினவிழா

திருவையாறு, நவ.15: திருவையாறு அருகே பொன்னாவரை முகமதுபந்தர் அரசு உயர்நிலைப் பள்ளியில் ரோட்டரி சமுதாயக் குழுமம், இலக்கியத் தடம் – பாரதி இயக்கம், தஞ்சாவூர் நியூடவுன் ரோட்டரி சங்கம் சார்பில் குழந்தைகள் தின விழா மற்றும் பள்ளி மாணவர்களுக்கு கொன்றை வேந்தன், ஆத்திசூடி நூல்கள் வழங்கும் விழா நடைபெற்றது.விழாவிற்கு பள்ளி தலைமையாசிரியர் ஷீலாகரோலின் தலைமை வகித்தார்.

பாரதி இயக்கம், காணி நிலம் தலைவர் டாக்டர் குப்புவீரமணி முன்னாள் இயக்குநர் பாரதி இலக்கியப் பயிலகம் தஞ்சை கோபாலன் உரை எழுதிய கொன்றை வேந்தன், ஆத்திசூடி, மூதுரை நூலினை பள்ளி மாணவர்களுக்கு வழங்கினார். தஞ்சை பிக் டெம்பிள் ரோட்டரி சங்கதலைவர் பஞ்சநதம், நடுக்டை ஹாஜி முகமதுகனி நினைவு கல்வி அறக்கட்டளை அறங்காவலர்கள் சாதிக்பாட்சா, இம்ரான்கான் வாழ்த்துரை வழங்கினர். விழாவில் பாரதி இயக்க அறங்காவலர்கள் வக்கீல் பிரேமசாயி, சந்திரசேகரன் , பாரதி பாரம்பரிய மைய இயக்குனர் சாமி சம்பத்குமார் மற்றும் பலர் கலந்து கொண்டனர்.

The post திருவையாறு அருகே அரசு பள்ளியில் குழந்தைகள் தினவிழா appeared first on Dinakaran.