பெருமாநல்லூர் அரசு பள்ளியில் குழந்தைகள் தின விழா கோலாகலம்

அவிநாசி, நவ.16:அவிநாசிஅருகே பெருமாநல்லூர் பாலசமுத்திரம் அரசு மேல்நிலைப் பள்ளியில் நேற்று குழந்தைகள் தினவிழா நடந்தது.  இதில் திருப்பூர் கலெக்டர் கிறிஸ்துராஜ் கலந்து கொண்டு தேசிய கொடியேற்றி வைத்து, மாணவ-மாணவிகளுக்கு இனிப்பு வழங்கினார். பள்ளி மாணவர்கள் குறிஞ்சி,முல்லை,மருதம்,நெய்தல்,பாலை என 5 குழுக்களாக பிரிக்கப்பட்டு குழுக்களின் தலைவர்கள் மற்றும் பொறுப்பாசிரியர்கள் கலெக்டர் முன்னிலையில் பதவியேற்று கொண்டனர்.

விழாவில் கலெக்டர் கிறிஸ்துராஜ் சிறப்புரையாற்றினார். பின்னர் பள்ளி மேலாண்மை குழு உறுப்பினர்கள் பள்ளி வளர்ச்சி குழு உறுப்பினர்கள் ஆகியோருடன் கலந்துரையாடினார். பள்ளியின் தேவைகளை கேட்டறிந்து பள்ளியின் அத்தியாவசிய தேவைகளை உடனடியாக பூர்த்தி செய்திட ஆவண செய்வதாக உறுதி கூறினார். தொடர்ந்து பள்ளி மாணவிகளின் கலை நிகழ்ச்சிகள் நடைபெற்றன. முன்னதாக பள்ளி தலைமையாசிரியர் மந்திரமூர்த்தி வரவேற்றார். முடிவில் உதவி தலைமை ஆசிரியர் மகேந்திரன் நன்றி கூறினார்.

The post பெருமாநல்லூர் அரசு பள்ளியில் குழந்தைகள் தின விழா கோலாகலம் appeared first on Dinakaran.