காரிமங்கலம், நவ.8: காரிமங்கலம் பகுதியில் சிலர் பணம் வைத்து சூதாடுவதாக போலீசாருக்கு ரகசிய தகவல் கிடைத்தது. இதன்பேரில், காரிமங்கலம் எஸ்ஐ சுந்தரமூர்த்தி மற்றும் போலீசார் பெரியாம்பட்டி, அடிலம் உள்ளிட்ட பகுதிகளில் ரோந்து பணியை முடுக்கி விட்டனர். அப்போது, பெரியாம்பட்டியில் உள்ள தனியார் கல்லூரி விடுதியின் பின்புறம், கோழிப்பண்ணையில் பணம் வைத்து சூதாடிக்கொண்டிருந்த கும்பலை போலீசார் சுற்றி வளைத்தனர்.
போலீசாரை கண்டதும் அங்கிருந்தவர்கள் ஓட்டம் பிடித்தனர். அவர்களில் காரிமங்கலத்தைச் சேர்ந்த செல்வம், சப்பாணிப்பட்டி சென்னகிருஷ்ணன், பெரியாம்பட்டி முருகன், தர்மபுரி சக்திவேல், காவேரிப்பட்டணத்தைச் சேர்ந்த சரவணன் மற்றும் கணேசன், மஞ்சு, வெற்றிவேல், பாலாஜி, அங்கு, ராஜ்குமார், சரவணன், பரிமளம் ஆகிய 13 பேரை மடக்கி பிடித்து கைது செய்தனர். அவர்களிடமிருந்து ரொக்கம் மற்றும் டூவீலர்கள் ஆகியவற்றை பறிமுதல் செய்தனர்.
The post கோழிப்பண்ணையில் சூதாடிய 13 பேர் கைது appeared first on Dinakaran.
