அரூர், ஜூலை 6:கம்பைநல்லூரில் வாரந்தோறும் வெள்ளி கிழமைகளில் சந்தை நடைபெற்று வருகிறது. சந்தையில் ஆடு, கோழிகளை விவசாயிகளும், ஆடு வளர்ப்பவர்களும், விற்பனைக்கு கொண்டு வந்தனர். ஆடுகளை வாங்க ஊத்தங்கரை, திருப்பத்தூர், ஆம்பூர், காரிமங்கலம், கிருஷ்ணகிரி, தர்மபுரி, சேலம் உள்ளிட்ட இடங்களில் இருந்து வியாபாரிகள் வந்திருந்தனர். நேற்றைய சந்தையில் 175க்கும் மேற்பட்ட ஆடுகளை விவசாயிகள் கொண்டு வந்தனர். ஆடுகள் ₹5,000 முதல் ₹9,700 வரையும் விற்பனையானது. மொத்தமாக ₹25 லட்சத்திற்கு ஆடுகள் விற்பனை செய்யப்பட்டதாக வியாபாரிகள் தெரிவித்தனர்.
The post ₹25 லட்சத்திற்கு ஆடுகள் விற்பனை appeared first on Dinakaran.
