சென்னை: திமுக முதன் முறையாக ஆட்சியமைத்த நாள், ஜனநாயக வரலாற்றில் அமைதிப்புரட்சியை நிகழ்த்திக்காட்டிய நாள் மார்ச் 6, மீண்டும் வரலாறு படைப்போம், நாட்டைக் காப்போம் என முதல்வர் மு.க.ஸ்டாலின் தெரிவித்துள்ளார். அண்ணா தலைமையிலான திராவிட முன்னேற்றக் கழகம் 1967ல் முதன்முதலாக ஆட்சிப் பொறுப்பேற்ற நாளையொட்டி முதல்வர் மு.க.ஸ்டாலின் வெளியிட்ட சமூக வலைத்தளப் பதிவு: மார்ச் 6, இந்தியாவிலேயே முதன்முறையாக ஒரு மாநிலக் கட்சி தேர்தலில் வென்று ஆட்சியமைத்த நாள். பேரறிஞர் அண்ணா தலைமையிலான திராவிட முன்னேற்றக் கழகத்தின் இளம்படை தெற்காசிய ஜனநாயக வரலாற்றில் ஓர் அமைதிப்புரட்சியை நிகழ்த்திக் காட்டிய நாள். அன்று தமிழ்நாட்டைக் காத்தோம். இன்று மொத்த இந்தியாவின் கூட்டாட்சித்தன்மையையும் பன்முகத்தன்மையையும் மதச்சார்பின்மையையும் காக்க வேண்டிய பெரும் பொறுப்பை நம் தோள்களில் சுமக்கும் அளவுக்கு நம் வலிமை கூடியுள்ளது. மீண்டும் வரலாறு படைப்போம், நாட்டைக் காப்போம்.
The post திமுக முதன்முறையாக ஆட்சியமைத்த நாள் மீண்டும் வரலாறு படைப்போம் நாட்டை காப்போம்: முதல்வர் டிவிட் appeared first on Dinakaran.
