கிறைஸ்ட்சர்ச்: நியூசிலாந்து அணியுடனான 4வது டி20 போட்டியிலும், பாகிஸ்தான் அணி 7 விக்கெட் வித்தியாசத்தில் தோல்வியைத் தழுவியது. ஹேக்லி ஓவல் மைதானத்தில் நேற்று நடந்த இப்போட்டியில், டாஸ் வென்ற நியூசிலாந்து முதலில் பந்துவீசியது. பாகிஸ்தான் 20 ஓவரில் 5 விக்கெட் இழப்புக்கு 158 ரன் குவித்தது. முகமது ரிஸ்வான் 90 ரன் (63 பந்து, 6 பவுண்டரி, 2 சிக்சர்), முகமது நவாஸ் 21, பாபர் 19 ரன் எடுத்தனர். நியூசி. பந்துவீச்சில் ஹென்றி, பெர்குசன் தலா 2, மில்னே 1 விக்கெட் வீழ்த்தினர்.
அடுத்து களமிறங்கிய நியூசிலாந்து 18.1 ஓவரில் 3 விக்கெட் இழப்புக்கு 159 ரன் எடுத்து வென்றது. ஷாகீன் அப்ரிடி வேகத்தில் ஆலன் (8), செய்பெர்ட் (0), வில் யங் (4) அணிவகுத்த நிலையில், டேரில் மிட்செல் – கிளென் பிலிப்ஸ் ஜோடி அதிரடியாக விளையாடி அசத்தியது. டேரில் 72 ரன் (44 பந்து, 7 பவுண்டரி, 2 சிக்சர்), பிலிப்ஸ் 70 ரன்னுடன் (52 பந்து, 5 பவுண்டரி, 3 சிக்சர்) ஆட்டமிழக்காமல் இருந்தனர். டேரில் ஆட்ட நாயகன் விருது பெற்றார். நியூசி. 4-0 என முன்னிலை வகிக்க, 5வது மற்றும் கடைசி டி20 இதே மைதானத்தில் நாளை நடக்கிறது.
The post நியூசி.யுடன் 4வது டி20யிலும் பாகிஸ்தான் தோல்வி appeared first on Dinakaran.
