பில்கிஸ் பானுவின் பாஜகவின் தோல்வி.. இறுதியில் நீதி வென்றுவிட்டது : செல்வபெருந்தகை எம்எல்ஏ கருத்து!!

சென்னை : பில்கிஸ் பானு வழக்கில் உச்ச நீதிமன்றத்தின் இந்த தீர்ப்பு வரலாற்று சிறப்பு மிக்கது என்று செல்வபெருந்தகை எம்எல்ஏ தெரிவித்துள்ளார்.இது தொடர்பாக காங்கிரஸ் எம்எல்ஏ செல்வப்பெருந்தகை தனது சமூகவலைத்தள பக்கத்தில், பில்கிஸ் பானுவின் பலாத்கார குற்றவாளிகள் மீண்டும் சிறைக்கு செல்வார்கள், பாஜக அரசு இந்த பலாத்கார குற்றவாளிகளை விடுதலை செய்தது.

பில்கிஸ் பானு வழக்கில் உச்ச நீதிமன்றத்தின் இந்த தீர்ப்பு வரலாற்று சிறப்பு மிக்கது.இந்த முடிவு, பில்கிஸ் பானுவை பலாத்காரம் செய்தவர்களை விடுவித்த குஜராத் பாஜக அரசின் பெண்களுக்கு எதிரான செயலை அம்பலப்படுத்துகிறது.பெண்களைப் பற்றிய பாஜகவின் சிந்தனை எவ்வளவு கேவலமானது என்பதை இது காட்டுகிறது.பில்கிஸ் பானு வழக்கில், பாலியல் பலாத்கார குற்றவாளிகளை விடுவித்த குஜராத் அரசின் உத்தரவை ரத்து செய்த சுப்ரீம் கோர்ட், பாலியல் பலாத்கார குற்றவாளிகளை இனிப்புகள் வழங்கி மலர் மாலை அணிவித்து வரவேற்ற தலைவர்களின் முகத்தில் கடுமையாக அறைந்துள்ளது.

இது பில்கிஸ் பானுவின் வெற்றி, பாஜகவின் தோல்வி.இறுதியில் நீதி வென்றுவிட்டது. குஜராத் கலவரத்தின் போது கூட்டுப் பலாத்காரம் செய்யப்பட்ட குற்றவாளி பில்கிஸ் பானுவின் விடுதலையை உச்சநீதிமன்றம் ரத்து செய்துள்ளது. இந்த உத்தரவின் மூலம் பாரதிய ஜனதா கட்சியின் பெண்கள் விரோத கொள்கைகள் மீதான முக்காடு நீங்கியுள்ளது. இந்த உத்தரவுக்குப் பிறகு, நீதித்துறை மீதான மக்களின் நம்பிக்கை மேலும் வலுப்படும். பில்கிஸ் பானு தனது போராட்டத்தை தைரியமாக தொடர வாழ்த்துக்கள்,”என்று குறிப்பிட்டுள்ளார் .

The post பில்கிஸ் பானுவின் பாஜகவின் தோல்வி.. இறுதியில் நீதி வென்றுவிட்டது : செல்வபெருந்தகை எம்எல்ஏ கருத்து!! appeared first on Dinakaran.