மும்பை: ஆறாவது உலகக் கோப்பையை வென்ற ஆஸ்திரேலியாவுக்கு சச்சின் டெண்டுல்கர் வாழ்த்து தெரிவித்துள்ளார். மிக முக்கியமான நாளில், அவர்கள் சிறப்பாக கிரிக்கெட் விளையாடினர் என சச்சின் தெரிவித்துள்ளார்.
உலக கோப்பை கிரிக்கெட் தொடரில் அகமதாபாத்தில் நேற்று நடந்த இறுதி போட்டியில் இந்தியாவை 6 விக்கெட் வித்தியாசத்தில் ஆஸ்திரேலியா வீழ்த்தி 6வது முறையாக சாம்பியன் பட்டம் வென்றது. லீக் சுற்றில் தோல்வியே சந்திக்காத இந்தியா பைனலில் தோல்வி அடைந்தது ரசிகர்களை மட்டுமின்றி வீரர்களையும் ஏமாற்றம் அடைய வைத்துள்ளது.
இது குறித்து சச்சின் டெண்டுல்கர் தெரிவித்துள்ளதாவது; “ஆறாவது உலகக் கோப்பையை வென்ற ஆஸ்திரேலியாவுக்கு வாழ்த்துகள். மிக முக்கியமான நாளில், அவர்கள் சிறப்பாக கிரிக்கெட் விளையாடினர். ஹார்ட் லக் டீம் இந்தியா. இல்லையெனில் முக்கியமான போட்டியில் ஒரே ஒரு மோசமான நாள் மட்டுமே இதயத்தை உடைக்கும்.
வீரர்கள், ரசிகர்கள் மற்றும் நலம் விரும்பிகளின் வேதனை மற்றும் அவர்கள் என்ன அனுபவிக்கிறார்கள் என்பதை என்னால் கற்பனை செய்து பார்க்க முடிகிறது. தோல்விகள் விளையாட்டின் ஒரு பகுதியாகும், ஆனால் இந்த யூனிட் போட்டி முழுவதும் எங்களுக்காக அனைத்தையும் கொடுத்தது என்பதை நினைவில் கொள்வோம்” என தெரிவித்துள்ளார்.
The post ஆறாவது உலகக் கோப்பையை வென்ற ஆஸ்திரேலியாவுக்கு சச்சின் டெண்டுல்கர் வாழ்த்து appeared first on Dinakaran.
