சென்னை: லியோ படத்தின் நா ரெடி பாடல் தொடர்பாக காவல் நிலையத்தில் புகார் அளிக்கப்பட்ட நிலையில், அது தொடர்பாக விளக்கம் அளிக்குமாறு நடிகர் விஜய்க்கு நோட்டீஸ் அணுப்பப்பட்டுள்ளது. நடிகர் விஜய் இயக்குனர் லோகேஷ் கனகராஜ் இயக்கத்தில் நடித்துவரும் லியோ திரைப்படம். இப்படத்தில் நடிகர் விஜய்க்கு ஜோடியாக திரிஷா நடித்துள்ளார். லியோ படத்தின் படப்பிடிப்பு இறுதி கட்டத்தை எட்டியுள்ளது. இந்நிலையில் நடிகர் விஜயின் 49வது பிறந்த நாளை ஒட்டி லியோ பட குழு படத்தின் பர்ஸ்ட் லுக் போஸ்டரை வெளியிட்டதோடு, இப்படத்தின் முதல் பாடலான நா ரெடி பாடலை வெளியிட்டது.
இப்பாடலை விஜய் உடன் இணைந்து அனிருத் மற்றும் அசல் கோளாறு ஆகியோர் பாடியுள்ளனர். இந்நிலையில், நடிகர் விஜய்யின் லியோ பட பாடல் குறித்து சென்னை காவல் ஆணையர் அலுவலகத்தில் புகார் அளிக்கப்பட்டுள்ளது. போதைப்பொருள் புழக்கத்தை ஊக்குவிக்கும் வகையில் பாடல் இருப்பதால் தடை செய்ய வேண்டும் என சமூக ஆர்வலர் புகார் மனு அளித்துள்ளார். கொருக்குப்பேட்டையை சேர்ந்த ஆர்டிஐ செல்வம் என்பவர் ஆன்லைன் வாயிலாக புகார் அளித்துள்ளார். அந்த புகாரில், போதைப்பொருள் புழக்கத்தை ஆதரிக்கும் வகையிலும், ரவுடிசத்தை உருவாக்கும் வகையிலும் பாடல் இருப்பதால் நடிகர் விஜய் மீது போதைப்பொருள் தடுப்பு சட்டத்தின் கீழ் நடவடிக்கை எடுக்க வேண்டும் என குறிப்பிட்டுள்ளார்.
இந்த நிலையில் நடிகர் விஜயின் பனையூர் முகவரி மற்றும் சாலிகிராமம் முகவரிக்கும் ஆர்.டி.ஐ.செல்வம் சார்பாக நோட்டீஸ் வழங்கப்பட்டுள்ளது. இந்த நோட்டீஸில் போதைப்பழக்கம், ரவுடிசத்தையும் ஊக்குவிக்கும் விதமாக நா ரெடிதான் பாடல் உள்ளதாகவும், இதற்கு விளக்கம் அளிக்க வேண்டும் எனவும் அவரிடம் கேட்டு நோட்டீஸ் அனுப்பப்பட்டுள்ளது. ஆன்லைன் மூலாமாக சென்னை காவல் ஆணையர் அலுவலகத்திற்கு புகார் அனுப்பியதால் நடிகர் விஜயின் ரசிகர்கள், விஜய் மக்கள் இயக்கத்தினர் 500க்கும் மேற்பட்டோர் தொலைபேசி வாயிலாக கொலை மிரட்டல் விடுப்பதாகவும் ஆர்.டி.ஐ. செல்வராஜ் குற்றம் சாட்டியுள்ளார்.
The post லியோ படத்தின் நா ரெடி பாடல் தொடர்பாக புகார்: நடிகர் விஜய் விளக்கம் அளிக்குமாறு நோட்டீஸ்! appeared first on Dinakaran.
