போச்சம்பள்ளியில் பூக்கள் விலை உயர்வு

போச்சம்பள்ளி, ஏப்.2: போச்சம்பள்ளியில் இருந்து பல்வேறு பகுதிகளுக்கு பூக்கள் அனுப்பி வைக்கப்படுகிறது. இந்நிலையில் யுகாதி பண்டிகையையொட்டி, பூக்களின் விலை உயர்ந்துள்ளது. ₹50க்கு விற்கப்பட்ட பட்டன் ரோஸ் (கிலோ) ₹150க்கும், ₹300க்கு விற்ற மல்லிகை ₹700க்கும், ₹150க்கு விற்ற முல்லை ₹400க்கும், ₹20க்கு விற்ற சம்பங்கி ₹75க்கும், ₹30க்கு விற்ற சாமந்தி ₹160க்கும் விற்பனை செய்யப்பட்டது. இதுகுறித்து பூ வியாபாரிகள் கூறுகையில், யுகாதி பண்டிகையையொட்டி பூக்களின் விலை உயர்ந்துள்ளது. மேலும் போச்சம்பள்ளி மற்றும் சுற்றுவட்டார பகுதிகளில் தற்போது கோயில் திருவிழா நடந்து வருவதாலும், பூக்களின் விலை உயர்ந்துள்ளதாக தெரிவித்தனர். விலை உயர்வால் வியாபாரிகள் மகிழ்ச்சியடைந்துள்ளனர்.