பாலக்காடு, டிச.10: கொல்லம் - செங்கோட்டை, கொல்லம் - திருச்சிராப்பள்ளி - திருப்பாண்டிபுலியூர் டெமு, மயிலாடுதுறை - திருச்சிராப்பள்ளி எக்ஸ்பிரஸ் ரயில்கள் தொடங்குவதற்கான ஆலோசனை நடைபெற்றது. இதில், பாலக்காடு சந்திப்பு - எர்ணாகுளம் சந்திப்பு - பாலக்காடு சந்திப்பு மெமு ரயில் பாலக்காடு சந்திப்பிலிருந்து டிச.15ம் தேதி காலை 7.20க்கு புறப்பட்டு 11.50க்கு எர்ணாகுளம் சந்திப்பை அடைகிறது. இந்த ரயில் மதியம் 2.40 மணிக்கு எர்ணாகுளம் சந்திப்பிலிருந்து புறப்பட்டு இரவு 7 மணிக்கு பாலக்காடு சந்திப்பை வந்தடையும் என தெரிவிக்கப்பட்டது.
பாலக்காடு சந்திப்பு - திருச்செந்தூர் - பாலக்காடு இயங்கிய பயணிகள் ரயில் கொரோனா தொற்றால் ரத்து செய்யப்பட்டிருந்தது. தற்போது இந்த ரயில் பொள்ளாச்சி சந்திப்பு - திருச்செந்தூர் - பொள்ளாச்சி சந்திப்பு என்ற நிலையில் இயக்க திட்டமிடப்பட்டுள்ளதாக ரயில்வே நிர்வாகம் அறிவித்துள்ளது. ஆனால், பாலக்காடு சந்திப்பிலிருந்து திருச்செந்தூருக்கு இயக்கப்பட்ட பயணிகள் ரயில் சேவை புறக்கணிக்கப்பட்டுள்ளது கேரள பயணிகளுக்கு பெரும் ஏமாற்றத்தை அளித்துள்ளது.
மெமு பயணிகள் ரயில்கள் டிச.15 முதல் மீண்டும் இயக்கம்
05:58 am Dec 10, 2021 |
