காமன்வெல்த் போட்டி 2026: மகளிர் பளுதூக்குதல் 53 கிலோ எடைப் பிரிவில் வெள்ளி பதக்கம் வென்றார் இந்தியாவின் ஞானேஷ்வரி யாதவ்

கிளாஸ்கோ: ஸ்காட்லாந்தின் கிளாஸ்கோவில் நடைபெற்று வரும் காமன்வெல்த் விளையாட்டுப் போட்டி 53 கிலோ எடைப்பிரிவு மகளிர் பளுதூக்கும் போட்டியில் ஞானேஸ்வரி யாதவ் வெள்ளிப் பதக்கம் வென்றார். இது, 2026 காமன்வெல்த் விளையாட்டுப் போட்டிகளில் இந்தியா வென்ற 5வது பதக்கமாகும்.

யாதவ் மொத்தம் 199 கிலோ எடையைத் (88 கிலோ ஸ்னாட்ச் + 111 கிலோ கிளீன் அண்ட் ஜெர்க்) தூக்கினார். முதல் சுற்றை 82 கிலோ, 85 கிலோ, 88 கிலோ என கிளீன் லிஃப்ட்களுடன் தொடங்கிய யாதவ், இறுதியில் சாம்பியன் பட்டம் வென்ற நைஜீரியாவின் ஓனோமே டிடிக்கு அடுத்தபடியாக இரண்டாவது இடத்தில் கிளீன் அண்ட் ஜெர்க் பகுதிக்குள் நுழைந்தார். கனடாவின் ரெபெக்கா க்ரூல்க்ஸ் மொத்தம் 178 கிலோ எடையைத் தூக்கி வெண்கலப் பதக்கத்தை வென்றார்.

23 வயதான யாதவ், கிளீன் அண்ட் ஜெர்க் பிரிவை 103 கிலோ எடையைத் தூக்கித் தொடங்கினார். அவருக்குப் பிறகு திதி 105 கிலோ எடையைத் தூக்கினார். இந்திய வீராங்கனை தனது இரண்டாவது முயற்சியில் 107 கிலோ எடையைத் தூக்கி ஒரு படி மேலே சென்றார், ஆனால் நைஜீரிய பளுதூக்கும் வீராங்கனை 110 கிலோ எடையைத் தூக்கினார். மூன்றாவது மற்றும் இறுதி முயற்சியில் யாதவ் 111 கிலோ எடையைத் தூக்கி வெள்ளிப் பதக்கத்தை வென்றார்.