போலீசார் தாக்கியதாக கமிஷனரிடம் மனு

மதுரை, பிப். 11: மதுரை சுப்பிரமணியபுரத்தை சேர்ந்தவர் திருப்பதி (25). தற்காலிக கொரோனா தடுப்பு பணியாளர். இவரை ஒரு வழக்கு விசாரணைக்காக ஜெய்ஹிந்துபுரம் போலீசார் அழைத்து சென்றுள்ளனர். அங்கு ஒரு எஸ்ஐ மற்றும் 4 போலீசார் திருப்பதியை கடுமையாக தாக்கியதாகவும், சாதி பெயரை சொல்லி திட்டியதாகவும் கூறப்படுகிறது. இதில் திருப்பதிக்கு படுகாயம் ஏற்பட்டது. இதையடுத்து பாதிக்கப்பட்ட திருப்பதியின் குடும்பத்தினர் நேற்று மாலை போலீஸ் கமிஷனர் அலுவலகத்தில், ஜெய்ஹிந்துபுரம் போலீசார் மீது நடவடிக்கை எடுக்க கோரி மனு கொடுத்துள்ளனர்.