பெங்களூரு சின்னசாமி மைதானத்தில் விஜய் ஹசாரே கோப்பை போட்டிக்கு அனுமதி மறுப்பு!

பெங்களூரு: நாளை (டிசம்பர் 24) பெங்களூரு சின்னசாமி மைதானத்தில் நடைபெறவிருந்த விஜய் ஹசாரே கோப்பை போட்டிக்கு அனுமதி மறுக்கப்பட்டுள்ளது. பெங்​களூரு சின்​ன​சாமி கிரிக்​கெட் மைதானத்​தில் கடந்த ஜூன் 4-ம் தேதி நடை​பெற்ற ராயல் சாலஞ்​சர்ஸ் பெங்களூரு அணி​யின் வெற்​றிக் கொண்​டாட்​டத்​தின் போது ஏற்​பட்ட நெரிசலில் 11 பேர் இறந்​தனர். இதன் பின்னர் சின்​ன​சாமி கிரிக்​கெட் மைதானத்​தில் போட்​டிகள் நடத்த தடை​ வி​திக்​கப்​பட்​டது.

இந்​நிலை​யில், சின்​ன​சாமி மைதானத்​தில் மீண்​டும் கிரிக்கெட் போட்​டிகளை நடத்​து​வது தொடர்​பாக, விதான் சவு​தா​வில் கர்நாடக கிரிக்​கெட் சங்க நிர்​வாகி​கள் மற்​றும் காவல்​துறை அதிகாரி​களு​டன் கர்​நாடக உள்​துறை அமைச்​சர் ஜி.பரமேஸ்​வரா ஆலோ​சனை நடத்​தி​னார். இதில் விஜய் ஹசாரே டிராபி போட்டியை பார்​வை​யாளர்களை அனு​ம​திக்​காமல் மைதானத்தில் நடத்த கர்​நாடக மாநில கிரிக்​கெட்      சங்​கம் சார்​பில் அனு​மதி கேட்​கப்பட்​டது.

இதைத் தொடர்ந்து, சின்னசாமி மைதானத்தில் கிரிக்கெட் போட்டிகளை நடத்த அனுமதி வழங்குவது குறித்து ஆராய அமைக்கப்பட்டக் குழு திங்கள்கிழமை மைதானத்திற்குச் சென்று ஆய்வு செய்தது. அந்தக் குழுவின் பரிந்துரையின் அடிப்படையில், அனுமதி நிராகரிக்கப்பட்டுள்ளது.