புதுக்கோட்டையில் 108 ஆம்புலன்சில் குவா... குவா...

புதுக்கோட்டை, டிச. 15: அரசு மருத்துவமனைக்கு அழைத்து வரும் வழியிலேயே கர்ப்பிணி பெண்ணுக்கு 108 ஆம்புலன்ஸில் பிரசவம் நடந்து ஆண் குழந்தை பிறந்தது. புதுக்கோட்டை மாவட்டம் கறம்பக்குடி அருகே பிளாவிடுதி கிராமத்தைச் சேர்ந்தவர் கன்னிகா. இவருக்கு திங்கள்கிழமை அதிகாலை 3 மணிக்கு பிரசவ வலி ஏற்பட்டு, 108 ஆம்புலன்ஸில் அழைத்து வரப்பட்டார். மருதன்கோன்விடுதி வந்தபோது வலி அதிகமாகி ஆம்புலன்ஸ் வாகனத்திலேயே பிரசவம் நடந்து அழகிய ஆண் குழந்தை பிறந்தது. மருத்துவ உதவியாளர் செல்வராஜ் பிரசவம் பார்த்தார். தற்போது தாயும் சேயும் நலமுடன் ரெகுநாதபுரம் ஆரம்ப சுகாதார நிலையத்தில் அனுமதிக்கப்பட்டனர்.