பாலாஜி முருகதாஸ் நடிக்கும் கொடூரா

சென்னை: திரைக்கு வந்த ‘வா வரலாம் வா’, ‘ஃபயர்’ ஆகிய படங்களில் நடித்திருந்த பாலாஜி முருகதாஸ் ஹீரோவாக நடிக்கும் படம், ‘கொடூரா’. ஆர்.சார்லஸ் ஆனந்த் எழுதி இயக்குகிறார். யாஸ் எண்டர்டெயின்மெண்ட் தயாரிக்கிறது. முக்கிய வேடங்களில் நிஷா, இலியாஸ், ‘வாழை’ ஜானகி, பேபி தீக்‌ஷிதா சந்தோஷ் குமார், அரோரா, முத்துக்குமார், டி.எம்.கார்த்திக், திருக்குறளி, டாக்டர் திவாகர் நடிக்கின்றனர்.

விஜய் வெங்கட் ஒளிப்பதிவு செய்ய, சவுகத் அலி இசை அமைக்கிறார். வ.கருப்பன் பாடல்கள் எழுத, ஸ்பீட் மோகன் சண்டை பயிற்சி அளிக்கிறார். மனிதர்களை நேசிக்க வேண்டுமே தவிர, யாரையும் மனித தன்மையற்றவர்களாக பார்க்கக்கூடாது என்ற கருத்தை மையப்படுத்தி படம் உருவாகிறது. காரைக்கால், தரங்கம்பாடி ஆகிய பகுதிகளில் படப்பிடிப்பு நடக்கிறது.