பெண் இயக்குனரின் சஸ்பென்ஸ் திரில்லர் படம்

சென்னை: இயக்குனர் பாரதிராஜாவிடம் உதவி இயக்குநராக பணியாற்றிய ஸ்ரீதிகா இயக்குனராக அறிமுகமாகும் ‘டே 11’ திரைப்படம் விரைவில் திரையரங்குகளில் வெளியாக உள்ளது. இப்படத்தை பி.ஆர்.ஜி. ஜெகந்நாதன் பிக்சர்ஸ் பேனரில் ஸ்ரீதிகாவே தயாரித்துள்ளார். கலகலப்பான திரில்லராக உருவாகி உள்ள ‘டே 11’ திரைப்படத்தில் ஆதர்ஷ் மற்றும் மனோஜ் நாயகர்களாகவும் ஸ்வேதா அபிராமி நாயகியாகவும் நடித்துள்ளனர். ரவிச்சந்திரன், அபிமன்யு, தமிழ் முக்கிய வேடங்களில் நடித்துள்ளனர்.

படம் குறித்து பேசிய இயக்குனர் ஸ்ரீதிகா, ‘‘ரசிகர்கள் விரும்பும் அனைத்து அம்சங்களையும் கொண்ட கலகலப்பான திரைப்படமாக ‘டே 11’ உருவாகி உள்ளது. தமிழ் சினிமாவில் இதுவரை சொல்லப்படாத ஒன்றை இதில் கூறியுள்ளோம். ஒரு விசித்திர விளையாட்டுக்குள் நுழையும் கதாபாத்திரங்கள், அதில் அவர்கள் எதிர்கொள்ளும் சவால்கள் என தொடக்கம் முதல் இறுதி வரை ரசிகர்களுக்கு விறுவிறுப்பு விருந்தை ‘டே 11’ படைக்கும் சஸ்பென்ஸ் திரில்லராக இருக்கும்’’ என்று தெரிவித்தார். இந்த திரைப்படத்திற்கு அனில் இசையமைத்துள்ளார். ஒளிப்பதிவை செல்வா கையாண்டுள்ளார், படத்தொகுப்பை கணேஷ் மேற்கொண்டுள்ளார்.