ஐஸ்வர்யாவை அசர வைத்த மெகா ஸ்டார்

அட்டகத்தி, காக்கா முட்டை படங்களில் பார்த்தவரா இவர் என்று கேட்கும் அளவுக்கு உடற்கட்டை ஸ்லிம்மாகவும் பளபளப்பாகவும் மாற்றி வைத்திருக்கிறார் ஐஸ்வர்யா ராஜேஷ். இளம் ஹீரோக்களுடன் ஜோடி போடும் ஐஸ்வர்யா சில மாதங்களுக்கு முன் நடித்த கனா படத்தில் கிராமத்தில் பிறந்து வளர்ந்த பெண் கிரிக்கெட்டில் எப்படி சாதிக்கிறார் என்ற கதாபாத்திரம் ஏற்றிருந்தார். இந்த வேடம் அவருக்கு பாராட்டுகளை பெற்றுத்தந்ததுடன் தெலுங்கில் இப்படத்தின் ரீமேக்கிலும் நடிக்க வாய்ப்பை பெற்றுத் தந்தது.

கனா படம் தெலுங்கில் கவுசல்யா கிருஷ்ணமூர்த்தி பெயரில் ரீமேக் ஆகிறது. சமீபத்தில் இப்படத்தின் டீஸரை மெகா ஸ்டார் சிரஞ்சீவி வெளியிட்டார். அத்துடன் ஐஸ்வர்யா வை போனில் அழைத்து பாராட்டு தெரிவித்தார். சிரஞ்சீவி பேசறேன் என்ற வாய்ஸை தொலைபேசியில் கேட்டதும் துள்ளிக்குதித்த ஐஸ்வர்யா அவரது பாராட்டுக்கு நன்றி தெரிவித்துக்கொண்டார்.

இதுபற்றி இணைய தள பக்கத்தில்,’அதுவொரு பெரிய ஆச்சர்யம். மெகாஸ்டார் சிரஞ்சீவியிடமிருந்து தொலைபேசி அழைப்பு வந்தது. கவுசல்யா கிருஷ்ணமூர்த்தி டீஸரை மிகவும் ரசித்ததாக கூறினார். சிரு சார் பேசியதை எண்ணி இன்றைக்கும் ஆச்சயர்த்தில் இருக்கிறேன். அவருக்கு நன்றி. இது எனக்கு கிடைத்த பெரிய கவுரவம்’ என குறிப்பிட்டிருக்கிறார் ஐஸ்வர்யா.