ஐதராபாத்: பி.சுகுமார் இயக்கத்தில் அல்லு அர்ஜூன், ராஷ்மிகா மந்தனா, பஹத் பாசில், லீலா நடிப்பில் திரைக்கு வந்து வெற்றிபெற்று, வசூலிலும் சாதனை படைத்துள்ள படம், ‘புஷ்பா 2: தி ரூல்’. தற்போது இப்படத்தில் கூடுதலாக 20 நிமிடங்கள் ஓடும் காட்சியை இணைத்துள்ளதாக படக்குழு அறிவித்துள்ளது. கூடுதல் காட்சிகளுடன் இப்படத்தை வரும் 11ம் தேதி முதல் தியேட்டரில் பார்க்கலாம் என்று கூறப்பட்டுள்ளது. இதை ‘ரீ-லோடட் வெர்ஷன்’ என்று படக்குழு புரமோட் செய்து வருகிறது.
ஏற்கனவே 3 மணி நேரம் 20 நிமிடங்கள் படம் ஓடுகிறது. இனி 3 மணி 40 நிமிடம் ஓடும். மைத்ரி மூவி மேக்கர்ஸ் தயாரித்துள்ள இப்படத்தின் பாடல்களுக்கு தேவி பிரசாத் இசை அமைக்க, சாம் சி.எஸ் பின்னணி இசை அமைத்துள்ளார். தற்போது இப்படம் சம்பந்தமாக ஏகப்பட்ட பிரச்னைகளில் சிக்கியிருக்கும் அல்லு அர்ஜூன், அடுத்து த்ரி விக்ரம் இயக்கத்தில் நடிக்கிறார் என்பது மட்டுமே உறுதி செய்யப்பட்டுள்ளது.
