மனோகரம்

என்னென்ன தேவை?

பச்சரிசி மாவு - 2 கப்,
வெண்ணெய் - 1 டேபிள்ஸ்பூன்,
வறுத்துப் பொடி செய்த உளுந்து மாவு - 2 டீஸ்பூன்,
உப்பு - ஒரு சிட்டிகை,
எண்ணெய் - தேவைக்கு,
வெல்லம் - 200 கிராம்,
தண்ணீர் - தேவைக்கு.

எப்படிச் செய்வது?  

மாவு, வெண்ணெய், உளுந்து மாவு, உப்புடன் சிறிது தண்ணீர் சேர்த்து முறுக்கு மாவு பதத்துக்குப் பிசைந்து கொள்ளவும். கடாயில் எண்ணெய் விட்டு தேன்குழல் அச்சில் பிழிந்து சிவந்தவுடன் எடுக்கவும். ஒரு தட்டில் உடைத்துப் போட்டு வைக்கவும். 200 கிராம் வெல்லத்துடன் சிறிது தண்ணீர் சேர்த்து கம்பிப் பதத்துக்குக் காய்ச்சவும். இது சூடாக இருக்கும்போதே உடைத்து வைத்திருந்த முறுக்கில் ஊற்றி, கிளறி எடுத்து வைக்கவும். (இதை பாகு சேர்த்து உருண்டையாகவும் பிடிக்கலாம்.)