மில்லட் ஸ்வீட் களி

என்னென்ன தேவை?

பாசிப்பருப்பு - 1/2 கப்,
குதிரைவாலி அரிசி - 1 கப்,
வெல்லத்தூள் - 3/4 கப்,
நெய் - தேவைக்கு,
கிராம்பு - 2,
முந்திரி - 8,
ஏலக்காய் - 4,
காய்ந்ததிராட்சை - 10.

எப்படிச் செய்வது?

வெல்லத்துடன் 1/2 கப் தண்ணீர் ஊற்றி கொதிக்கவைத்து இறக்கி வடித்துக் கொள்ளவும். குக்கரை சூடாக்கி பாசிப்பருப்பைச் சேர்த்து மிதமான தீயில் வைத்து வாசனை வரும்வரை வறுத்து, அதனுடன் கழுவி சுத்தம் செய்த குதிரைவாலி அரிசி, 3 கப் தண்ணீர் ஊற்றி 3-4 விசில் விட்டு வேகவிடவும். குக்கரை திறந்து அரிசி, பருப்பு இரண்டும் நன்கு வெந்ததும், வெல்லக் கரைசலை ஊற்றி ஒரு கொதி விட்டு இறக்கவும். நெய்யில் கிராம்பு, முந்திரி, ஏலக்காய், காய்ந்த திராட்சை தாளித்து கலவையில் கொட்டி கலந்து பரிமாறவும்.