மியாமி ஓபன் டென்னிஸ் எலினாவை வீழ்த்தி காலிறுதியில் இகா: ஜெஸிகாவும் முன்னேற்றம்

மியாமி: மியாமி ஓபன் டென்னிஸ் மகளிர் ஒற்றையர் போட்டியில் உலகின் 2ம் நிலை வீராங்கனை இகா ஸ்வியடெக் அபார வெற்றி பெற்று காலிறுதிக்கு முன்னேறினார். அமெரிக்காவின் மியாமி நகரில் மியாமி ஓபன் டென்னிஸ் போட்டிகள் நடந்து வருகின்றன. நேற்று நடந்த 4வது சுற்றுப் போட்டியில் போலந்து வீராங்கனை இகா ஸ்வியடெக், உக்ரைன் வீராங்கனை எலினா ஸ்விடோலினா உடன் மோதினார்.

முதல் செட்டை போராடி கைப்பற்றிய இகா, 2வது செட்டை எளிதில் வசப்படுத்தினார். அதனால், 7-6, 6-3 என்ற நேர் செட் கணக்கில் வெற்றி பெற்ற அவர் காலிறுதிக்கு முன்னேறினார். மற்றொரு போட்டியில் அமெரிக்காவை சேர்ந்த உலகின் 4ம் நிலை வீராங்கனை ஜெஸிகா பெகுலா, உக்ரைனை சேர்ந்த மார்தா கோஸ்ட்யுக் உடன் மோதினார். அற்புதமாக ஆடிய ஜெஸிகா 6-2, 6-3 என்ற நேர் செட் கணக்கில் வெற்றி பெற்று காலிறுதிக்கு தகுதி பெற்றார்.

The post மியாமி ஓபன் டென்னிஸ் எலினாவை வீழ்த்தி காலிறுதியில் இகா: ஜெஸிகாவும் முன்னேற்றம் appeared first on Dinakaran.