இணையவழி மூலமாக பதிவு செய்யலாம்; இந்திய விமான படையில் அக்னிவீர்வாயு பணிக்கு ஆட் சேர்ப்பு

திருச்சி, ஜன.9: இந்திய விமானப்படையில் அக்னிபாத் திட்டத்தின் கீழ் அக்னிவீர் வாயு ஆட்சேர்ப்பு தேர்விற்கு விண்ணப்பித்தல் மற்றும் மருத்துவ உதவியாளார் பொது மருத்துவ உதவியாளார் மருந்தாளர் ஆட்சேர்ப்பு பேரணி: இந்திய விமானப்படையினரால் நடத்தப்பட உள்ள அக்னிவீர்வாயு தேர்வில் கலந்து கொள்வதற்கு ஜன. 7 ம் தேதி முதல் ஜன.27 ம் தேதி வரை இணையவழி மூலமாக பதிவு செய்யலாம் எனவும், மார்ச் 22 ம் தேதி முதல் இத்தேர்வு நடைபெறும் எனவும் தெரிவிக்கப்பட்டு உள்ளது. இணையவழி தேர்வில் கலந்து கொள்ளும் மாணவர்களுக்கு உதவும் வகையில் இத்தேர்விற்கான பாடத்திட்டம் மற்றும் மாதிரி வினாத்தாள்கள் https:/ agnipathvayu.cdac.in என்ற இணையதளத்தில் பதிவேற்றம் செய்யப்பட்டுள்ளது. அக்னிவீர்வாயு பணிக்கு திருமணம் ஆகாதவராகவும் (ஆண் மற்றும் பெண்) அங்கீகரிக்கப்பட்ட கல்வி நிறுவனத்தில் இருந்து 12- ம் வகுப்பு அல்லது மூன்று வருட பட்டய படிப்பு அல்லது அதற்கு இணையான படிப்புகளில் 50% மதிப்பெண்களுடன் குறிப்பாக ஆங்கில பாடத்தில் 50% மதிப்பெண் பெற்று தேர்ச்சி பெற்றிருக்க வேண்டும். ஜன.1, 2005 முதல் ஜூலை.1, 2008 வரையான காலத்தில் பிறந்தவராகவும் இருக்க வேண்டும்.

இந்திய விமானப்படையில் மருத்துவ உதவியாளர்(பொது) பணிக்கு விண்ணப்பதாரர்களுக்கு (திருமணமாகாத ஆண்கள் மட்டும்) ஜன.29, 2025 அன்று ஆட்சேர்ப்பு பேரணி கேரள மாநிலம், கொச்சியில் உள்ள மகாராஜா கல்லூரி மைதானத்தில் நடைபெற உள்ளது. இப்பேரணியில் கலந்துகொள்ள பத்தாம் வகுப்பு மற்றும் பனிரெண்டாம் வகுப்புகளில் 50 சதவீத மதிப்பெண்கள் பெற்றிருக்க வேண்டும். குறிப்பாக ஆங்கில பாடத்தில் 50% மதிப்பெண் பெற்று தேர்ச்சி பெற்றிருக்க வேண்டும். ஜூலை3. 2004 முதல் ஜூலை 3.2008 வரையான காலத்தில் பிறந்தவராகவும் இருக்க வேண்டும்.

மேலும் இந்திய விமானப்படையில் மருத்துவ உதவியாளர் மருந்தாளுனர் விண்ணப்பதாரர்களுக்கு (ஆண்கள் மட்டும்) பிப்.4.2025 அன்று ஆட்சேர்ப்பு பேரணி கேரள மாநிலம், கொச்சியில் உள்ள மகாராஜா கல்லூரி மைதானத்தில்
நடைபெற உள்ளது. இப்பேரணியில் கலந்து கொள்ள 10 மற்றும் 12ம் வகுப்புகளில் 50% மதிப்பெண்களுடன் குறிப்பாக ஆங்கில பாடத்தில் 50% மதிப்பெண் பெற்று தேர்ச்சி பெற்றதுடன் டிப்ளமோ அல்லது இளங்கலை பார்மசி முடித்திருக்க வேண்டும். திருமணமாகாத ஆண்கள் ஜூலை.3.2001 முதல் ஜூலை 3.2006 மற்றும் திருமணமான ஆண்கள் ஜூலை.3.2001 முதல் ஜூலை 3.2004 வரையான காலத்தில் பிறந்தவராகவும் இருக்க வேண்டும். இது தொடர்பான மேலும் தகவல்களுக்கு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தினை நேரிலோ அல்லது 0431-2413510, 94990-55901, 94990-55902 என்ற தொலைபேசி எண்களிலோ தொடர்பு கொள்ளலாம். என்ற தகவலை மாவட்ட கலெக்டர் பிரதீப்குமார் தொிவித்துள்ளார்.

The post இணையவழி மூலமாக பதிவு செய்யலாம்; இந்திய விமான படையில் அக்னிவீர்வாயு பணிக்கு ஆட் சேர்ப்பு appeared first on Dinakaran.