- கடலூர்
- முத்து
- சத்யமூர்த்தி
- கர்தஞ்சிபாடி அண்ணாநகர்
- கடலூர் மாவட்டம்
- பெரியகுப்பம் கடற்கரை
- புதுச்சத்திரம்
கடலூர்: கடற்கரையில் பெண்களிடம் அத்துமீறிய 3 வாலிபர்களை போலீசார் கைது செய்தனர். கடலூர் மாவட்டம் குறிஞ்சிப்பாடி அண்ணாநகர் பகுதியைச் சேர்ந்த முத்து, சத்தியமூர்த்தி உள்ளிட்ட 3 குடும்பத்தினர் நேற்று முன்தினம் மாலை புதுச்சத்திரம் அருகே உள்ள பெரியகுப்பம் கடற்கரைக்கு பொழுதுபோக்கிற்காக வந்துள்ளனர். அவர்களுடன் கலைக்குழு நடத்தும் திருநங்கை ஒருவரும் வந்துள்ளார். இவர்கள் 7 பேரும் கடலில் குளித்துள்ளனர்.
பின்னர் அங்கு கடற்கரையில் மணலில் நடந்து வந்தபோது அருகில் உள்ள தியாகவல்லி கிராமத்தைச் சேர்ந்த சிலர் அங்கு கடற்கரைக்கு வந்திருந்த பெண்களிடம் அத்துமீறி உள்ளனர். அப்போது அவர்கள் இதை தட்டிக் கேட்டனர். அப்போது இளைஞர்கள் அவர்களை தாக்கி கொலை மிரட்டல் விடுத்தனர். இந்த வீடியோ காட்சிகள் சமூக வலைத்தளங்களில் தற்போது வைரலாகி பரபரப்பை ஏற்படுத்தி வருகிறது.
இந்நிலையில் இந்த சம்பவம் குறித்து பாதிக்கப்பட்ட குடும்பத்தினர் கடலூரில் உள்ள வருவாய் அதிகாரிகளுக்கு வீடியோவை அனுப்பி தகவல் தெரிவித்தனர். அதிகாரிகளின் உத்தரவின் பேரில் போலீசார் இதுகுறித்து விசாரணை நடத்தினர். இது தொடர்பாக போலீசார் வழக்கு பதிந்து தியாகவல்லி கிராமத்தைச் சேர்ந்த மாணிக்கவேல் (24), தினேஷ் (21), சரவணன் (22) ஆகிய 3 பேரை கைது செய்தனர். தலைமறைவான பிரவீன்(24) என்பவரை தேடி வருகின்றனர். இச்சம்பவம் அப்பகுதியில் பரபரப்பை ஏற்படுத்தி உள்ளது.
The post கடற்கரையில் பெண்களிடம் அத்துமீறிய 3 பேர் கைது appeared first on Dinakaran.
