திமுக மூத்த முன்னோடி மறைவு மு.க.ஸ்டாலின் இரங்கல்

சென்னை: தமிழ்நாடு முதல்வர், திமுக தலைவர் மு.க.ஸ்டாலின் வெளியிட்ட இரங்கல் செய்தி: திமுக மாநில தொண்டர் அணி முன்னாள் அமைப்பாளர் முனைவர் சிந்தை மு.ராஜேந்திரன் மறைவெய்திய செய்தியறிந்து மிகவும் வருந்தினேன். ஒருங்கிணைந்த தர்மபுரி மாவட்டத்தில் திமுகவை வளர்த்த மூத்த முன்னோடிகளில் ஒருவர். தமிழ்நாடு அரசின் தமிழ் வளர்ச்சித் துறை முன்னாள் இயக்குநராகப் பணியாற்றியவர். தர்மபுரி மாவட்டம், மத்தூரில் கலைமகள் கல்வி நிலையத்தை துவக்கி, அப்பகுதி மக்கள் கல்வியில் மேம்படப் பாடுபட்டவர். கலைஞரின் தமிழ்நாடு முழுக்கச் சுற்றுப்பயணம் மேற்கொண்ட நாட்களில் தொண்டரணிச் சீருடையில் உடன் வந்தவர். அவரை இழந்து வாடும் அவரது குடும்பத்தார்க்கும்-தர்மபுரி மாவட்ட திமுகவினருக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்கிறேன். இவ்வாறு அறிக்கையில் கூறப்பட்டுள்ளது.

The post திமுக மூத்த முன்னோடி மறைவு மு.க.ஸ்டாலின் இரங்கல் appeared first on Dinakaran.