முத்துப்பேட்டை, நவ. 23: முத்துப்பேட்டை அருகே பருவமனைக்கு வீடு இடிந்து விழுந்துள்ளது. திருவாரூர் மாவட்டம், முத்துப்பேட்டையில் கடந்த சில தினங்களாக கனமழை பெய்துவருகிறது. இதனால் தாழ்வான பகுதிகள் மற்றும் நீர்நிலைகள் நீர் நிரம்பிவருகிறது. இதனால் மக்களின் இயல்பு வாழ்க்கை கடுமையாக பாதிப்பு ஏற்பட்டது. இந்நிலையில் முத்துப்பேட்டை அடுத்த மேலநம்மங்குறிச்சி அம்பேத்கர் தெருவில் வசிக்கும் பொதியப்பன் – வடுவம்மாள் தம்பதியின் ஓட்டுவீடு கனமழையால் நேற்று அதிகாலை இடிந்து விழுந்தது. இதில் ஒரு பக்க சுவர் இடிந்து விழுந்ததில் அதிர்ஷ்டவசமாக வீட்டில் உள்ளவர்கள் உயிர்த்தப்பினர். இதுகுறித்து வருவாய்த்துறையினர் விசாரணை மேற்கொண்டனர்.
The post முத்துப்பேட்டை அருகே பருவமழைக்கு இடிந்து விழுந்த வீடு appeared first on Dinakaran.
