கோவில்பட்டி, நவ. 22: கோவில்பட்டி கிழக்கு காவல் நிலைய எஸ்ஐ சண்முகம் தலைமையில் போலீசார், இலுப்பையூரணி பகுதியில் ரோந்து சென்றனர். இங்குள்ள மாடசாமி கோயில் அருகே பைக்குடன் நின்றிருந்த 2 பேர், போலீசாரை பார்த்ததும் தப்பியோட முயன்றனர். போலீசார் அவர்களை விரட்டிச் சென்று மடக்கிப் பிடித்து சோதனையிட்டனர். அவர்களிடம் கஞ்சா இருப்பது கண்டுபிடிக்கப்பட்டது. விசாரணையில் அவர்கள், கொடைக்கானல் மங்கள்புரத்தை சேர்ந்த தேவராஜ் மகன் தர்மராஜ் (23), காளையார்கோயில் தாலுகா மறவன் மங்களத்தை சேர்ந்த சுப்பிரமணி மகன் தினேஷ்குமார் (19) என்பதும் தெரிய வந்தது. இதுகுறித்து வழக்கு பதிந்து இருவரையும் கைது செய்த போலீசார் 200 கிராம் கஞ்சா மற்றும் பைக்கை பறிமுதல் செய்தனர்.
The post 200 கிராம் கஞ்சாவுடன் 2 வாலிபர்கள் கைது appeared first on Dinakaran.
