தூத்துக்குடி, நவ. 22: தூத்துக்குடி முத்துகிருஷ்ணாபுரம் முதல் தெருவை சேர்ந்தவர் ஜெகன் (40), கூலித் தொழிலாளி. இவர் நேற்று முன்தினம் இரவு வேலை முடிந்து ஸ்டேட் பேங்க் காலனி பிரதான சாலையில் செல்போனில் பேசியபடியே வீட்டுக்கு நடந்து சென்று கொண்டிருந்தார். அப்போது பைக்கில் வந்த இரு வாலிபர்கள், கண்ணிமைக்கும் நேரத்தில் அவரது செல்போனை பறித்து சென்றனர். இதுகுறித்து வடபாகம் காவல் நிலையத்தில் ஜெகன் அளித்த புகாரின் பேரில் எஸ்ஐ சிவகுமார் வழக்கு பதிந்து விசாரணை நடத்தி வருகிறார். மற்றொரு சம்பவம்: தூத்துக்குடி அண்ணா நகரை சேர்ந்தவர் இசக்கிராஜா(27), நேற்று முன்தினம் டூவிபுரம் 3வது தெருவில் நடந்து சென்று கொண்டிருந்தார். அப்போது அவ்வழியாக ஒரே பைக்கில் வந்த 3 பேர், இசக்கிராஜாவ வழிமறித்து அரிவாளை காட்டி மிரட்டி அவரிடம் இருந்த செல்போனை பறித்துக் கொண்டு தப்பினர். இதுகுறித்த புகாரின் பேரில் மத்தியபாகம் போலீசார் வழக்கு பதிந்து விசாரணை நடத்தி வருகின்றனர்.
The post 2 வாலிபர்களிடம் செல்போன் பறிப்பு appeared first on Dinakaran.
