மதுராந்தகம்: கற்பக விநாயகா மருந்தியல் கல்லூரியில் முதலாம் ஆண்டு மாணவர்கள் வரவேற்பு நிகழ்ச்சி நடைபெற்றது. செங்கல்பட்டு மாவட்டம், மதுராந்தகம் அடுத்த படாளம் அருகே உள்ள கற்பக விநாயகா மருந்தியல் கல்லூரியின் முதலாம் ஆண்டு மாணவர்கள் வரவேற்பு நிகழ்ச்சி கல்லூரி அரங்கில் நடந்தது. இந்நிகழ்ச்சிக்கு மருந்தியல் கல்லூரி நிர்வாக இயக்குனர் அண்ணாமலை ரகுபதி தலைமை தாங்கினார். கல்லூரி முதல்வர் ஐயப்பன் அனைவரையும் வரவேற்றார். இதனைத் தொடர்ந்து கல்லூரியில் புதிதாக சேர்ந்த மாணவ, மாணவிகளுக்கு பி பார்மசி படிப்பின் முக்கியத்துவம் குறித்தும், வேலை வாய்ப்பு குறித்தும் பேராசிரியர்கள் விளக்கம் அளித்தனர். மேலும் புதிதாக சேர்ந்த மாணவர்கள் மற்றும் பெற்றோர்கள் கல்லூரியையும் ஆய்வகங்களையும் பார்வையிட்டனர். இந்த நிகழ்ச்சியில் 2ம் ஆண்டு மாணவர்களும், ஆசிரியர்களும், பெற்றோர்களும் கலந்து கொண்டனர்.
The post கற்பக விநாயகா மருந்தியல் கல்லூரியில் முதலாமாண்டு மாணவர்கள் வரவேற்பு நிகழ்ச்சி appeared first on Dinakaran.
