ஈரோடு, நவ. 16: ஈரோடு மாநகராட்சி 9வது வார்டு பகுதியில் நேற்று மாநகராட்சி ஊழியர்கள் தெருநாய்களை வலைவீசி பிடித்துச் சென்றனர். ஈரோடு மாநகராட்சி 9வது வார்டுக்கு உட்பட்ட தென்றல் நகர், பெரியசேமூர் மெயின் வீதி, சடையாத்தாள் கோவில் வீதி உள்ளிட்ட பல்வேறு பகுதிகளில் தெருநாய்கள் தொல்லை நாளுக்கு நாள் அதிகரித்து வந்தது.
அவை, சாலையில் நடந்து செல்வோரை துரத்தி துரத்தி கடிப்பதாகவும், இருசக்கர வாகனங்களில் செல்பவர்களை துரத்துவதால், வாகன ஓட்டிகள் கீழே விழுந்து விபத்துக்குள்ளாவதாகவும் பொதுமக்கள் புகார் தெரிவித்து வந்தனர். அதன்பேரில், தென்றல் நகர், பெரியசேமூர் மெயின் வீதி, சடையாத்தாள் கோவில் வீதி ஆகிய பகுதிகளில் சுற்றித்திரிந்த தெருநாய்களை மாநகராட்சி ஊழியர்கள் வலை வீசி பிடித்தனர். அவற்றை சோலாரில் உள்ள கருத்தடை மையத்துக்கு கொண்டு சென்றனர்.
The post ஈரோடு மாநகராட்சி 9வது வார்டில் வலைவீசி பிடிக்கப்பட்ட தெருநாய்கள் appeared first on Dinakaran.
