பட்டிவீரன்பட்டி, நவ. 15: பட்டிவீரன்பட்டி ஜோதிலிங்கேஸ்வரர் கோயிலில் நேற்று ஐப்பசி மாத பிரதோஷ சிறப்பு வழிபாடு நடைபெற்றது. முன்னதாக ஜோதிலிங்கேஸ்வரருக்கு சந்தனம், விபூதி, பால், தேன், இளநீர், மஞ்சள் உள்பட 16 வகையான அபிஷேகங்கள் நடந்தன. தொடர்ந்து ஜோதிலிங்கேஸ்வரருக்கு சிறப்பு அலங்காரம், தீபாராதனைகள் நடந்தது. இதில் ஏராளமான பக்தர்கள் கலந்து கொண்டு சாமி தரிசனம் செய்தனர். பின்னர் பக்தர்களுக்கு பிரசாதம் வழங்கப்பட்டது. இதேபோல் அய்யம்பாளையம் ராஜராஜ சோழீஸ்வரர் கோயில், அருள்முருகன் கோயில் மலையடிவாரத்தில் அமைந்துள்ள அண்ணாமலையார் கோயில், காந்திபுரம் சிவன் கோயில், சித்தரேவு திருச்சிற்றம்பல ஆவுடையப்பர் கோயில் உள்ளிட்ட கோயில்களில் நடந்த பிரதோஷ வழிபாட்டிலும் ஏராளமான பக்தர்கள் கலந்து கொண்டனர்.
The post சிவாலயங்களில் பிரதோஷ வழிபாடு appeared first on Dinakaran.
