செஞ்சி, நவ. 14: கார் மீது அரசு பஸ் மோதிய விபத்தில் வாலிபர் பலியானார். விருதுநகர் மாவட்டம் ராஜபாளையம் பகுதியை சேர்ந்தவர் பால்ராஜ் மகன் ராஜ்குமார்(31). இவரும், இவரது உறவினர் சோமதுரை ஆகிய இருவரும் நேற்று அதிகாலை 3 மணியளவில் சென்னையில் இருந்து செஞ்சி வழியாக திருவண்ணாமலை நோக்கி காரில் சென்று கொண்டிருந்தனர். ஆலம்பூண்டி அடுத்த ரெட்டிப்பாளையம் தேசிய நெடுஞ்சாலையில் உள்ள திருமண மண்டபம் எதிரே வந்த போது, திருவண்ணாமலையில் இருந்து செஞ்சி நோக்கி வந்த அரசு பஸ் எதிர்பாராத விதமாக டிரைவரின் கட்டுப்பாட்டை இழந்து கார் மீது மோதியது. இதில், காரை ஓட்டி வந்த ராஜ்குமார் சம்பவ இடத்திலேயே பரிதாபமாக உயிரிழந்தார். படுகாயமடைந்த சோமதுரையை அருகில் இருந்தவர்கள் மீட்டு சிகிச்சைக்காக திருவண்ணாமலை அரசு மருத்துவமனையில் சேர்த்தனர். இது குறித்து சத்தியமங்கலம் போலீசார் வழக்கு பதிவு செய்து விசாரணை நடத்தி வருகின்றனர்.
The post கார் மீது அரசு பஸ் மோதி வாலிபர் பரிதாப பலி appeared first on Dinakaran.
