*தூங்கிக்கொண்டிருந்த மக்கள் அலறி ஓட்டம்
திருமலை : ஐதராபாத்தில் அதிகாலை ஓட்டலில் பிரிட்ஜ் வெடித்து சிதறியதில் பயங்கர தீ விபத்து ஏற்பட்டது. மேலும் ஓட்டலின் சுவர் இடிந்து விழுந்ததில் அருகில் இருந்த வீடுகள் சேதமடைந்தது. இதனால் தூங்கிக்கொண்டிருந்த மக்கள் அலறியடித்து ஓட்டம் பிடித்தனர்.தெலங்கானா மாநிலம், ஐதராபாத்தில் உள்ள ஜூப்லி ஹில்ஸ் பகுதியில் ஓட்டல் இயங்கி வருகிறது. இங்கு நேற்று அதிகாலை 4 மணியளவில் ஓட்டலின் சமையல் அறையில் இருந்த பிரிட்ஜ் கம்ப்ரஸர் திடீரென வெடித்து சிதறியது.
இதில் தீ மளமளவென பரவியதால் அருகில் உள்ள பொருட்கள் கொழுந்துவிட்டு எரிந்தது. மேலும் பிரிட்ஜ் வெடித்ததில் ஓட்டலின் சுவர் இடிந்து, அருகில் உள்ள வீடுகள் மீது விழுந்தது. 100 மீட்டர் தொலைவில் உள்ள துர்கா பவானி நகர் பகுதியில் கற்கள் பறந்து சென்று விழுந்தன. இதனால் வீடுகளில் தூங்கிக்கொண்டு இருந்த மக்கள் அலறியடித்து எழுந்து வெளியே ஓட்டம் பிடித்தனர். மேலும் அருகில் உள்ள மின்கம்பங்கள் உடைந்தன. இதனால் அப்பகுதியில் பெரும் பரபரப்பு ஏற்பட்டது.
இதுகுறித்து தகவலறிந்த ஜூப்லி ஹில்ஸ் போலீசார் மற்றும் தீயணைப்பு வீரர்கள் சம்பவ இடத்திற்கு விரைந்து ெசன்று தீயை அணைந்தனர். இந்த விபத்தில் ஒரு இளம்பெண் காயமடைந்தார். அவரை, போலீசார் மீட்டு அருகில் உள்ள மருத்துவமனைக்கு அனுப்பி வைத்தனர். இதுகுறித்து போலீசார் வழக்கு பதிவு செய்து விசாரணை நடத்தி வருகின்றனர். விபத்து நடந்தபோது ஓட்டலில் தொழிலாளர்கள் இல்லாததால் அதிர்ஷ்டவசமாக உயிர்சேதம் தவிர்க்கப்பட்டது.
The post ஐதராபாத்தில் அதிகாலை பயங்கரம் ஓட்டலில் பிரிட்ஜ் வெடித்ததில் வீடுகள் சேதம் appeared first on Dinakaran.
